خێزانا کریستیانوی تورە بوو
ئەڤرۆ نیوز:
خێزانا یاریزانێ پرتوگالی یێ یانا یوڤانتوس یا ئیتالی تورەبونا خوە یا مەزن ب ئەگەرا خەلات نەکرنا کریستیانو رونالدوی ب تەپا زێری یا باشترین یاریز ل جیھانێ ژلایێ گوڤارا فرانس فوتبول یا فرەنسی و خەلات بو لوکا مودریچ یێ کرواتی و یانا ریال مەدرید ھاتیە پێشکێشکرن.
ئیلما ئافیرو خویشکا کریستیانوی د بەلاڤەکرنەکێ دا ل سەر پێچێ خوە یێ تورا کومەلایەتی ئەنستگرامی ل گەل وێنەکێ کریستیانوی یێ بەرێ یێ خەلاتکرنێ بەلاڤەکریە و تێدا دیارکریە ب مخابنی ڤە ئەڤ جیھانە ل سەر ملێن ھەژار و مافیا و پارای دژیت.
ھەروەسا ئێک ژ نێزیکترین ھەڤالێن ڤی یاریزانی ب ناڤێ میگیل بیاکساو نیگەرانیا خوە دەربریە و دیارکریە ئەو مەندەھوش مایە کو ھەڤالێ وی ژ ھەژی ڤی خەلاتی نە ھاتیە دیتن و گوتیە کێماسیەکا مەزنە د رێزگرتنێ دا.
ھەروەسا خویشەکا دی یا یاریزانێ پرتوگالی ب ناڤێ کاتیا ل تورا کومەلایەتی یا ئەنستگرامی وێنەکێ برایێ خوە بەلاڤەکریە و نڤێسیە باشترین یاریزان ل جیھانێ بو وان کەسێن د تەپا پێ دگەھن.
