خەلاتێن كۆپا عەرەبی گەهشتنە پتری 36 ملیۆن دۆلاران
بۆ جارا ئێكێ یە د دیرۆكا قارەمانیێ دا فدراسیۆنا فوتبۆلا عەرەبی خەلاتێن قارەمانییا عەرەبی ل سەر ئاستێ هەلبژارتییان زێدە بكەت ئەوا دوهی ب پشكدارییا 16 وەلاتان ل پایتەختێ قەتەر دەوحە هاتییە كرن.
فدراسیۆنا عەرەبی ڕاگەهاند كۆژمەیێ 36.5 ملیۆن دۆلار وەكو خەلات بۆ هەلبژارتیان هاتینە دانان بڤی شێوەیی، قارەمان(7.1) ملیۆن دۆلار، یا دویێ(4.2) ملیۆن دۆلار، یا سێیێ، (2.8) ملیۆن دۆلار، یا چارێ(2.1) ملیۆن دۆلار، بۆ هەر تیمەكا پشكدار(715) هزار دۆلار هاتینە تەرخانكرن، ئەو هەلبژارتیێ دەربازبیتە قووناغا هەشتێ (1.7) ملیۆن دۆلاران وەرگریت.
ئەو 16 هەلبژارتیێن پشكدار بۆ چار كۆمان هاتینە بەلاڤكرن.
كۆما ئێكێ: قەتەر، تۆنس، سۆریا، فلەستین.
كۆما دویێ: سعۆدیە، مەغرب، (جزرالقمر).
كۆما سێیێ: مسر، ئوردن، ئیمارات، كوێت.
كۆما چارێ: ئیراق، جەزائیر، بەحرێن، سودان.
بۆ زانین ئەڤرۆ هەلبژارتیێ ئیراقێ دێ یارییا خوە یا ئێكێ بەرانبەر بەحرێنێ كەت ل دەمژمێر 5:30، یارییا دویێ رۆژا ئەینی بەرانبەر سودانێ، یارییا سێیێ سێ شەمبییا بهێت بەرانبەر جەزائیر.
