خەلاتێ کۆچەر بیرکار ژێ ھاتە دزین
ئەڤرۆ نیوز ، زنار تۆڤی:
کوردەکێ خەلکێ رۆژھەلاتێ کوردستانێ خەلاتێ فیلدز میدال یێ بیرکاریێ ل بەرازیلێ وەرگرت کو ب نۆبلا بیرکاریێ دھێتە نیاسین، لێ ب دەمەکێ کێم پشتی وەرگرتنێ ، خەلاتێ وی و چانتا وی ژێ ھاتنە دزین.
کۆچەر بیرکار گەنجەکێ کوردە و ژ دایک بوویێ باژارێ مەریوانە و ل سالا 2002 وەک پەنابەر چوویە بریتانیا و خواندنا دکتۆرایێ د وارێ بیرکاریێ دا ل وی وەلاتی خواندیە و خەلاتێ جڤاکا بیرکاری یا لەندەنێ و چەندین خەلاتێن دی یێن جیھانی وەرگرتینە.
کۆچەر بیرکار و سێ پرۆفیسۆرێن دی یێن بیرکاریێ شڤێدی ل بەرازیلێ خەلاتێ فیلدز میدال کو ب نۆبلا بیرکاریێ بەرنیاسە وەرگرت، لێ پشتی چەند خولەکەکان کەسەکێ چانتا وی دزی کو ئەو خەلاتێ زێرین ب بھایێ چار ھزار دۆلاران تێدا بوو.
کۆچەر بیرکار د ژیێ 40 سالیێ دایە و نوکە ل بریتانیا دژیت و مامۆستایە ل زانکۆیا کامبرێج و مژوولێ ڤەکۆلیێن بیرکاریێ یە و بەری نھا ژی سێ خەلاتێن جیھانێ د بوارێ بیرکاریێ دا وەرگرتینە.
