خەلكێ بادینان دلسۆزێن شۆڕەشا ئیلۆنـێ بـوون
بامەرنێ، سالار محەمەد دۆسكی:
4 – 4
ئەڤە ل سالا 1968 بوو و هەر دو هەڤالێن من گۆتن ئەم دێ چینە پەرێ گوندی هەتا تو دگەهیە مە من گۆتێ یلا هوون هەرن و من دەرگەه قوتا و كەسەك هات و گۆت كیە؟ من گۆتێ ئەزم.. هات من گۆتێ ئەڤە دوكانە گۆت بەلێ، من گۆتێ من دەمێ هەوە گرت بەلێ هن جگارە ڤێن بخوە بكرم، گۆت ما تو نە لەشكری؟ من گۆتێ بەلێ گۆت فەرموو وەرە ژوور و چوومە ژوور و رونشتم و ئەو مرۆف چوو و سێ و نیڤ و شەڤێ بوو و پێنچ خولەك بوورین و 10 خولەك بورین و نەهات و 25 خولەك بورین و هات و سەر دەستێ وی سێنیكەك هێك ماست و چا و هەر هەمی خوارن تێدا بوون و گۆت بخوە و پاش هەر و چوو و سێ پاكیتە ژی بوومن ئینان و پارە ژ من نە وەرگرتن و گۆت خوارنا خوە بخوە چونكە رێكا (گەلناسكێ) یا دویرە و دێ مری ژ برسان دا و ئەڤە بوون دایك و خویشكێن مە و چ جەم رابوویە و چەوا خوارن بۆ پێشمەرگە بەرهەڤ دكر، و من نە گوت بوویێ برسیمە، نوكە سەحكە مرۆفێن ئێك و دو نە سەرەدانا ئێكودو ناكەن، وەك كوردان بۆ مرۆڤایەتیێ و خزمەتكرنێ نینە و تایبەت دەڤەرا بەهدینان و ل سەر دەمێ هەر دو شۆڕەشان گەلەك كریە، و دڤێت خزمەتا ئەڤان دایكان نهێتە ژ بیركرن و حەیف و مخابن یێ زەحمەت بری نەگەهشتە مرادا خوە و ئەز گەلەك ب ئەڤی چەندێ عاجزدبم، بارزانیێ نەمر خودێ ژێ رازیبت نەبوویە و نابیت بتنێ هزرێن وی ل سەر ڤی مللەتی بوون، چیایێ مەتینا شاهدی ماندیبوونا وی یە و جارەكێ سێ شەڤ و سێ رۆژان بەفرو باران بوو و جەنابێ وی ل سەر بەفرێ و بەر بارانێ نڤستیە، ل سالا 1970 جارەكێ ل (ناوپردان) ل گەل (عەلی شنگالی) چووینە كومبوونەكێ ل گەل جەنابێ بارزانی و گەلەك مرۆڤ بەرهەڤ بوون و خودێ ژێ رازی (ملا مستەفا بارزانی) پەیڤەك پێشكێشكر و گۆت: بەرپرسێن لەشكری و چەتان هەمیان مافێ ماندیبوونا خوە وەرگرت و بتنێ (مەلا مستەفا بارزانی) خەلكێ هەژار مایە و ئەوان مافێ ماندیبوونا خوە نەوەرگرتیە، هەر وێ گوتارا خوە دا گۆت : رۆژەك دێ هێت زارۆكێن ئەڤان گەنجێن ماندیبوون دیتین ل شۆڕەشا ئیلۆنێ دێ بنە خولامێن زارۆكێن چەتان و مخابن ئەڤە نوكە هاتیە و پێش چاڤێن مە و گەهشتنە مرادێن خوە و كەسانێن هەژار و ماندیبوون دیتی نەگەهشتینە مرادێن خوە و ئەز گەلەك عاجز بوویمە و نینە وەكی خەلكێ بەهدینان موخلس بۆ شورەشا ئیلونێ ب مال و گیانێ خوە خزمەتا مللەتی كریە و ئەڤە ناهێتە ژبیركرن، ل سالێن حەفتێ دا ژ ئەنجامێ گەلەك هاتن و چوونێن مە بۆ (ناوپردان) من گەلەك جاران رەحمەتی (ملا مستەفا بارزانی) دیتی یە و جارەكێ ژی ئەم ل ژ دەرڤە بووین چونكە ئەم زێرەڤان بووین دەركەفت و هاتە دەستێ مە.
هەمان پێشمەرگەیێ شۆڕەرشا ئیلۆنا مەزن گۆت: ل سەر دەمێ شۆڕەشا ئیلۆنێ وەكی ئەز ل گەل پێشمەرگەی من چ جاران جوداهی د ناڤبەرا نەئاین و نەنەتەوا دا نەدیتی یە و هەتا د ناڤبەرا هۆزان ژی دا من نەدیتی یە و هەر هەمیان ب ئێك گیان بەرەڤانی ژ ئاخا كوردستانێ كریە و ئەڤە بۆ دیرۆك دبێژم ل سالا 1968 لەشكرێ ئیراقێ پێشرەوی كر ل نەهلێ و گەلەك ژ چەتان هاتنە كوشتن وی دەمی هندەكا خیانەتكر، چونكە گەلەك ژ دومژنی هاتنە كوشتن و ئەوێن خائین ژ پشتی هەشت پێشمەرگێن مەسیحی كوشتن، و رەڤین چوون گەهشتینە دوژمنی و حوكمەتا ئیراقێ و ئەڤە كارەساتەكا كرێت بوو ل دەڤەرێ پەیدا بووی و تشتەكێ سەرسورمان بوو، و ئەڤە نە بوو ئەگەر دناڤبەرا موسلمان و خەلكێ دەڤەرێ تێك بچیت و جوداهی نەبوو وی دەمی گەلەك پێشمەرگێن موسلمان هەبوون ل گەل خودێ ژێ رازی (هورمز مەلك چكو) و هەر چ جوداهی نەبووینە چ جاران و بارەگایێن ئێزدیان لبن (گلالە) بوون و دەمێ ئەم چووینە ناوپردان گەلەك جاران (عەلی شنگالی) پەیوەندی ب ئەوان دكر، راستە (عەلی شنگالی) نەئێزدی بوو بەلێ هەر دو خەلكێ ئێك دەڤەر بووینە.
ل دووماهیێ، پێشمەرگەیێ شۆڕەشا ئیلۆنێ گۆت: داخوازێ ژ سەركردایەتی یا كوردستانێ و تایبەت بەرپرسێن پارتی دكەم ئەو كەسێن گەلەك ماندیبوون دیتی نهێنە ژبیركرن، و لێ زڤرین ل خزمەت و خەباتا وان بهێتەگرتن و داخاز دكەم چاڤدان ل كەس و كارێن شەهیدان زێدەتر هەبیت، چونكە ئەگەر ئەو شەهید نەبان ئەڤرۆ ئەم دئازاد و ئارام و تەنا نەبووین و زێدەتر چاڤدان ل زارۆكێن شەهیدان بهێتەكرن، و رێزگرتن بۆ هەمی بەرپرسان من هەیە و چ جاران من بخوە داخواز نەكرینە بەلێ بۆ كەس و كارێن شەهیدان دڤێـ نەهێنە ژبیكرن، چونكە ئەڤرۆ كە گەلەك هەنە و نان نینە بخوەن .
