خەلک پتر کەڤالێن بیانی دکرن
ئەڤرۆ، رەمەزان ھەرنی:
سابر ئالکەیی شێوەکارێ بەرنیاسێ دەڤەرا بارزان، ددیدارەکێ دا بۆ رۆژناما ئەڤرۆ گۆت: دەمەک بوو ژبەر رەوشا کۆرۆنایێ نەشیایم چو پێشانگەھان ڤەکەم، بەلێ من ئەو دەم ژدەست نەدا و شیایم ھژمارەکا زۆرا کەڤالان چێکەم و من ل بەرە ل دەمەکێ نێزیک پێشانگەھەکێ ڤەکەم و نووترین کەڤالێن خوە نیشابدەم و ناڤەرۆکا پرانیا کەڤالێن من ل دۆر سروشتی و چاوانیا پاراستنا ژینگەھێ نە.
ناڤھاتی گۆت: پێدڤیە پتر پشتەڤانیا شێوەکاران بھێتەکرن و ئەو بۆیاغ و کەرەستێن ئەم بۆ کەڤالان ب کاردئینن ھەموویان ب پارێ خوە دکرین و فرۆتنا کەڤالان ژی ھەتا نوکە ل دەف مە نەبوویە کلتۆر و خەلکێ مە پتر کەڤالێن بیانی دکرن و ھەتا ئەو چەندە نەھێتە کرن شێوەکارێن کورد مفای ژ کارێ خوە نابینن و من دڤێت زارۆکێن من ب حەزا خۆ بۆارەکێ ھەلبژێرن نە ژبەر من کارێ شێوەکاری بکەن و ئەز دێ پشتەڤانیا وان کەم.
