خەمۆکی پێکهاتا مێشکی دگوهۆیت
ئەڤرۆ نیۆز،زنار تۆڤی:
ڤەکۆلینەکا نوو وەسا دیارکریە،کو هەر چەندە خەمۆکی نەخۆشییەکا دەروونییە و گوهۆرینێن ئۆرگانی د پێکهاتەیا مێشکیدا دروست دکەت.
بەلێ ڤەکۆلینەک ژلایێ زانکۆیا ئەدنبەرە یا بریتانیا هاتیە ئەنجامدان و جەخت ل سەر هندێ کریە،کو خەمۆکی گوهۆرینان ل پێکهاتەیا بەرجەستەیێن مێشکیدا دروست دکەت.
د ڤێ ڤەکۆلینێ دا پشکنین بۆ 3461 کەسان هاتیە ئەنجامدان و ئەنجامێن وێ ژی ل جۆرنالا زانستی (ساینتیفیك ریپۆرتس) هاتیە بەلاڤکرن.
سەبارەت ب سرۆشتێ گوهۆرینێن ئۆرگانی ژی، ئاماژە کریە ب کێمبوونا ئاستێ ماددێ سپی یێ مێشکی (white matter) د وان کەسێن تۆشی خەمۆکیێ بووین.
هەروەسا مێشکێ مرۆڤی ژ دو پشکێن سەرەکی سپی و خۆلەمێشی پێکهاتیە،پشکا سپی گرنگی ب پرۆسا فێربوونێ ڤە هەیە و هەروەسا ناڤەندەکا سەرەکی یە بۆ پێکبەستنا پشکێن جۆدا یێن مێشکی.