خەونا وى ئه‌وه ببیته ستێره‌ك د ناڤا سینه‌ما كوردى دا
ئه‌ڤرۆ نیۆز،زنار تۆڤى:
ئالان هه‌ژار شێخموس ئه‌و ئه‌كته‌رێ زارۆیه كو د ژیێ 12 سالیێ دایه و د دیداره‌كێ دا بۆ ئه‌ڤرۆ نیۆز دبێژیت:ده‌رهێنه‌ر فوكرى ئه‌ز فێرى كارێ شانۆیێ كریمه و من پشكدارى د چه‌ندین شانۆیان دا كریه و هه‌روه‌سا هه‌تاكو نوكه من پشكدارى دسێ فلمان دا كریه،كو فلمه‌ك ژ وان ب ناڤێ”ژیانا من” بوویه و من رۆلێ سه‌رەكى تێدا گێرایه،هه‌روه‌سا من پشكدارى د “به‌لگه فلمێ ئالان” دا كریه و ن رۆلێ سه‌ه‌ركى تێدا گێرایه و ڤى فلمى پشكدارى د چه‌ندین فیستیڤالێن جیهانى دا كریه و خه‌لات ژى وه‌رگرتینه،دیسا من پشكدارى دفلمێ”خه‌ونه‌ك به‌رى مرنێ” دا كریه كو ژ ده‌رهێنانا فوكرى به‌رۆژى بوویه،كو ئه‌ڤه فلمه‌كێ درێژه و چه‌ندین ئه‌كته‌ران پشكدارى تێدا كریه و ناڤهاتى دیاركریه ژى:پشتى ڤان فلمان من ل به‌ره پشكداریێ د چه‌ندین فلمێن دى دا بكه‌م،هه‌روه‌سا ئه‌ز دخوازم پشكداریێ د فلمێن كۆمێدى دا بكه‌م و هیڤیا من ئه‌وه ببمه ستێره‌ك دناڤا سینه‌ما كوردى دا و بناڤ و ده‌نگ ببم،دیسا حه‌زا من ئه‌وه كو سینه‌ما كوردى ژى بگه‌هیته ئاستێ سینه‌ما جیهانى.
ئالان كو خه‌لكێ باژێرێ قامیشلۆیه ل رۆژئاڤایێ كوردستانێ و دبێژیت:ئه‌ڤه چه‌ندین ل كه‌مپا دۆمیز دژیت،هه‌روه‌سا هه‌رده‌م ئه‌و كارێن هونه‌رى و شانۆیێ د وێ كه‌مپێ دا ئه‌جام دده‌ت و ل گه‌ل هندێ سازێ ژى دژه‌نیت و سترانان ژى دبێژیت و ل قوتابخانێ ژى دخوینیت،هه‌روه‌سا ب رێیا رۆژناما ئه‌ڤرۆ داخوازێ ژ حوكمه‌تا هه‌رێمێ كوردستانێ دكه‌ت كو پاسپۆرتێ بۆ وى چێكه‌ن،چونكى ژبه‌ر نه‌بوونا پاسپۆرتێ ئه‌و نه‌شیایه پشكداریێ د فیستیڤالێن جیهانى دا بكه‌ت.
