خەونا وی یە درامایێن كوردی بۆ زمانێن بیانی بهێنە وەرگێڕان
سۆلین سلێمان:
ئەحمەد جولا، هونەرمەند و ئەكتەر و شانۆكارێ دیارێ پارێزگەها سلێمانیی، كو نوكە دژیێ (59) سالیێ دایە، د دیدارەكێ دا بۆ رۆژنامەیا ئەڤرۆ گۆت: هەتا نوكە من پشكداری دنێزیكی (25) كارێن هونەری دا كریە و ئێكەم كارێ من پشكداری تێدا كری ب ناڤێ (بروسكەیەك بۆ شاتێلا) بوو، كو ل سالا 1979 هاتبوو نیشادان.
هەروەسا گۆت: د بۆارێ درامایێ دا من گەلەك رۆل گێرَاینە، لێ ئەز پتر ب رۆلێ (مەلا مەعرۆف) هاتمە نیاسین، نوكە كاری بۆ پێشڤەبرنا سینەمایێ دكەین، لێ هیڤیا من ئەوە درامایێن مە ژی بگەهنە ئاستەكێ گەلەك باش و خەونا من ئەوە رۆژەك بهێت درامایێن مە یێن كوردی بۆ زمانێن بیانی بهێتە وەرگێڕان ژبۆ هندێ دا خەلكێ بیانی ژی پتر د دەردو ئێش و كلتۆرێ مە بگەهن.
