خەونەكا ب فهێت
عەدنان رێكانی
ئەو زەلامێ ب نەئامادەبوونێ هاتیە نخافتن، هێشتا یێ دەرگەهێ مە دقوتیت، و هێشتا ئەڤینا وی بۆ من وەك بەنیشتێ دارا كەزانێ یێ چڕە، و هێشتا ئەز یا سلاڤا ئیكێ دناڤ بیابانا دەستێن مەدا دگەرم..
دوهی من كراسێ خوەیێ مۆرێ گول گولی د خەو دا دیت، پشتی زڤستانا هیڤیان مایە ل قولاجكێن نهێنیەكا گرتی و دامایی، ئەڤرۆ ل هەمبەری من راوەستیا یێ بێ ستارە بوو، بەلێ ئەز نەشیام گەلەك ل چاڤێن وی و بەژنا وی بنێرم، من كرە گری و بازنێن دەستێ خوە هاڤێتن، ئەز چووم دوور پشت دیواران من ل گەل خوە ئاخفت، چەند گونەهە ئەز تە بڤی رەنگێ د ناڤبەرا خەونێن خوەدا رویس ب هێلم، دڤێت بزاڤەكا خورت بكەم، تێرا هندێ بێهنا وی دپاخلێن من دا بمینیتن، بەلێ ئەزم یا كو بیێ جل و بەرگ بۆ تە دهێم و تەرمێ من ب فهێتیا عەشق و ئەڤینێ ل هنداڤی عەوران بڕامووسانان شەرمزار دكەی..!
