خەونەك ژ دەریا ڤیانێ
محمد گڤاری
تو هەمان سۆرگولا منـی
تو هەمان دەریا عەشقا منـی
ئەز هەمان گەشتا ئەڤینا تەمـە
تو هەمان ئاسمانێ هیڤیێن منـی
تو هەمان رۆژا زڤستانا منـی
تو هەمان هەیڤا بوهارا منـی
ئەز هەمان ستێرا گەشا ئاسمانێ تەمـە
تو هەمان كاروانێ كا كێشا منـی
تو هەمان خالا پیتا ڕستێن منـی
تو هەمان ڕەونەق و ڕامانا هۆزانا منـی
ئەز هەمان هۆنەرێ ڤیانا تەمـە
تو هەمان كێش و سەركێشا هەلبەستا منـی.
