خەونەکا دائێخستی
دلدار محەمەد
چاڤێ من لسەر بانی لێ بوو، ئەوێ سەر قژاڤژ ب کۆلانێ دا د هاتە خوار، بۆ خۆ دگۆت:
– هەر دێ بێژن ئارامی یە و خۆ قۆلاچەک نەمایە ئەم خۆ لێڤەشێرین، ئێدی نامێن مەسنجەری گەفن بۆ سەر ئارامیێ، هاتنا پەیوەندیان تەناهیێ ژ ڕەها د هلقینیت، جڤات یێن بووینە مەیدانا شەری، رۆژ نینە شەهید ب پەیڤا نەکەڤنە وێ مەیدانێ.
بلەزو بەز روونشتە بەر وی دیوارێ لبەرامبەر من، دەستدا بەرویکا راستێ یا تەرەکسۆتێ خۆ، موبایلا خۆ یا مۆدێل کەڤن ژێ ئینادەر:
– ئەڤە سێ رۆژە من ئەڤ میراتە نە ڤەکری، داخراوی نعمەتەکا خۆدایی یە من ژ گەفێن کوشتنێ ب دەنگان و پەیڤان د پارێزیت، خۆزێن وی جهێ بتنێ بوون لێ هەیی.
سەرێ خۆ بلند کر و ئاڤرویا خۆ دا ئەسمانی :
– لاڤەیێن من قەبوول بکە، ئەم پتر ژ بارانێ پێدڤی ب رەفتارا جوانین، تو ب مەزنیا خۆ کەی هندەک مرۆڤینیێ ببارینە.
