خەیالێن كوژەك

متین وەرمێلی

دلێ وێ ژ پەڕێ پیڤازێ نازكتر بوو، چاڤێن وێ عەورێن ڕەشێن تژی باران بوون، هەستێن وێ باڕۆڤەبوون، هەردەم دلێ وێ دناڤ خۆ دا پارچە دكر، و هەڕ دەما زارۆكێن وێ د خەو دچوون، خەیالا خۆ ل مەژیێ وێ د ئالاند، و هەر ڕۆ ب چیروكەكێ دلێ وێ د پەڕتاند، و ڕویبارێن ڕۆندكا ژ چاڤان د ئینانە خوار، یا حەقبوو، بەری بهێتە دونیایێ ب سێ هەیڤا بابێ وێ شەهید ببوو، و یا پاش باب بوو، لەوما هزرا مرنا خۆ، و هێلانا جەگەرا خۆ دكر.
ژبەر كو گەلەكا جەگەر حیز بوو، د ترسیا وەك بابێ خۆ بچیت، و زارۆكێن خۆ ب تنێ بهێلیت، ژبەر هندێ، هەر شەڤ دەروونێ وێ ب ڤان هزرا تێك د چوو، و ئیسكێن گریێ گەوریا وێ د هنجنی، و د وێ گێلەشۆكێ دا دما، هەتا خەوێ خۆ ب سەر چاڤێن وێ دا د گرت، و ژ وێ دونیایا خەیالكرنێ د ئینا دەر..

کۆمێنتا تە