داتا و گرنگیا وان یا ئابووری
بۆ نڤێسین ههر گوتار، شروڤهكرن، ڤهكولین، نامهكا زانستی ههروهسا ل دهمێ پێشهات و ئارێشه و بارودوخێن ئابووری ئێكسهر نڤێسهر پێدڤی ب داتایان دبیت بۆ شروڤهكرنێ و زانینا ئهگهر و چارهسهریێن وێ رهوشێ .
ههمی كار و پلان و ستراتیژی ل سهر بنیاتێ داتایان دهێنه دارشتن، تاكو ئاراستهیێ پلانێ بهێته زانین و ل دوماهیێ ب باشی یان خرابی دیار ببن، لهو یا باشتره حكومهت داتایێن پێدڤی ئاشكهرا بكهت تاكو ڤهكولهر بشێوهكێ دروست و ساخلهم بشێت شروڤه بكهن، نهكو هندهك ڤهكولهر و نڤێسهر ل بهر روناهیا داتایێن شاش ل دووڤ حهزا خوه شروڤه بكهن و ئهنجامان راگههینن.
ل ههرێما كوردستانێ ههژاریهكا بهرچاڤ د وارێ داتایان دا ههیه نهخاسم ژ روویێ ئابووری ڤه، داتا ناهێنه ئاشكهراكرن و ههكهر هاتنه ئاشكهرا كرن ژی یان دكهڤنن یان ژی نه د پشت راستن، لهو شروڤهكار ب دروستی مفایی ژێ ناوهرگرن و نهشێن شروڤهیهكا ساخلهم و زانستیانه بدهنه ئاریشێ.
گهلهك ژ حكومهتێن جیهانێ داتایێن خو ئاشكهرا دكهن و دداننه سهر مالپهرێن ئینتهرنێتێ تا ههمی خهلك ببینیت مفایی ژێ وهرگرن و شروڤه بكهن، ئهڤه ژی دهلیڤهكه بو وان حكومهتان تا مفایی ژ ههمی شروڤهیان ببینن و ل بهر روناهیا ڤان شروڤهیان ئیستراتیژیهت و پلانێن خوه بدانن و كار لسهر بكهن.
ئهڤروكه ل سهرانسهری جیهانێ چهندین سازیی و رێكخراو ههنه رادبن ب دیاركرنا رێزبهندیا وهلاتان ل سهر ئاستێ ههمی سێكتهرێن ئابووری، زێدهباری راگههاندنا نیشانێن و ئاستێن برێڤهچوونا ژیانێ و دیاركرنا پێشكهفتنا وهلاتان، ئهڤه ههمی برێكا داتایان دهێته ئهنجام دان و دێ بینی ئهو وهڵاتێن ههژار د وارێ داتان دا ناكهڤنه دناڤا ڤان رێزبهندیان دا، هوسا رهوش و ئاراستهیا وان وهلاتان یا ئابووری دیار نابیت.
ههبوون و ئاشكهراكرن و بهردهست كرنا داتایان رێكهكه بۆ گهشهپێدان و پێشڤهچوونا ئابووری و دیاربوونا هێزا ئابووری، لهو باشتره حكومهت كار ل سهر ڤی بابهتی بكهت و داتایێن پێدڤی بهردهست بكهت و بلا ههمی هاولاتی و شروڤهكار و كهسانێن ئاكادیمی پشكداریێ د شروڤهكرنا داتایان دا بكهن ئهڤه ژی رێكهكه بۆ ب ساناهی پشكداریكرنا ههمی خهلكێ وهلاتی د دانانا پلانان دا و چێكرنا بریارێ دا.
