داخوازا راوه‌ستاندنا دراما وى دهێته كرن
ئه‌ڤرۆ نيوز:
پارێزه‌ره‌كى ل ئێك ژ دادگه‌هێن وه‌لاتێ مسرێ سكالايه‌ك ل سه‌ر درامايا ستێرا مسرى عادل ئيمام تۆمار كر ئه‌وا بڕياره ل ره‌مه‌زانا ئه‌ڤ ساله بهێته نيشان دان.
ئه‌ڤى پارێزه‌رێ ب ناڤێ مه‌حمود مه‌عروف ل دادگه‌ها عابدين سكالايه‌ك ل سه‌ر راوه‌ستاندنا ڤێ درامايێ تۆمار كر و تێدا سكالا دژى سه‌رۆكێ ئێكه‌تيا راديۆ و تله‌ڤزيونان، سه‌رۆكێ پشكا تله‌ڤزيۆنان، سه‌رۆكێ پشكا به‌رهه‌مئينانێ، سه‌رۆكێ پشكا ئابوورى، نڤيسه‌ر يوسف مه‌عاطى وه‌كو نڤيسه‌رێ درامايێ، نوونه‌رێ قانوونى يێ كۆمپانيا سينرجى يا كارێن هۆنه‌رى، سه‌رۆكێ جڤاتا كارگێريا كۆمپانيا مسرى يا ستێرێن ده‌ستكرد و سه‌رۆكێ كارگێريا باژێرێ به‌رهه‌مئينان راگه‌هاندنێ تۆماركريه ب راوه‌ستاندنا ڤێ درامايێ.
ئه‌ڤ پارێزه‌رێ كو به‌ره‌ڤانيێ ژ “زه‌كى ئيبراهيم سه‌يد” دكه‌ت دبێژيت: “ئه‌و سه‌رسۆرمان ما، ده‌ما ريكلاما درامايێ ل كه‌ناله‌كێ ئه‌سمانى ديتى، ديار بوو كو ئه‌و هه‌مان چيرۆكه ئه‌وا وى نڤيسى و ل پرتووكخانا به‌لگه‌يى يا نشتيمانى ل سه‌ر ناڤێ خوه تۆماركرى، ژ به‌ر هندێ ژى دخوازيت مافێ وى يێ هزرى و ئه‌ده‌بى نه‌هێته خوارن”.