داخوازا قوتابخانه‌كا ئێڤاران ل ده‌ركارێ دهێته كرن
زاخۆ،عه‌لی حاجی :
هه‌ژماره‌كا قوتابیێن ده‌ڤه‌را ناحیا ده‌كارێ داخازا ڤه‌كرنا قوتابخانه‌یا ده‌واما ب شه‌ڤ دكه‌ن و ژبه‌ر زوریا ژماره‌یا قوتابیان و دووراتیا رێیا دناڤبه‌را ناحیا ناڤبری و سه‌نته‌رێ زاخۆ دا نه‌شێن رووژانه هاتن و چوونێ بكه‌ن و ئه‌ڤ چه‌نده‌ژ ی بۆ وان دێ بیته ئاریشه‌یه‌كا مه‌زن .
ته‌حسین یوسڤ ئامنجیه‌كێ ناحیا ده‌كارێ یه بۆ ئه‌ڤرۆ نیوز دیار كر دنوكه دا ل ناحیا باتیفا خواندنا ب شه‌ڤ هه‌یه و قوتابیێن وێ ناحیێ هه‌ر دناڤ ناحیێ دخوینن،به‌لێ لێبورین ڤه دنوكه دا قوتابخانه‌یه‌كا خواندنا ب شه‌ڤ ل سنورێ ناحیا مه نینه و پشتی من دیفچوون كری زێده‌تری 150 قوتابی ل سنورێ ناحیا مه هه‌نه كو ماف هه‌یه ب شه‌ڤێ ده‌وام بكه‌ن و ل گوره‌ی رێنمایێن په‌روه‌ردێ نه‌شێن ب روژ ده‌وامێ بكه‌ن و پرانیا وان ژی كه‌سێن هه‌ژارن و دشیانێن وان دا نینه روژانه هاتن و چوونا زاخۆ بكه‌ن و ل قوتابخانه‌یا ده‌واما شه‌ڤ ب خوینن و من ئه‌ڤ داخازی یه گه‌هاندی یه رێڤه‌به‌رێ په‌روه‌ردا زاخۆ ژی به‌لێ وه‌سا بۆ مه دیار كرن كو پێدڤی یه ئه‌و قوتابی یه ل زاخۆ به‌رده‌وامیێ بده‌نه خواندنا خوه و ئه‌ڤ چه‌نده ژی دێ یا ب زه‌حمه‌ت بیت بۆ قوتابیان و پێدڤی یه حكومه‌ت ڤێ چه‌ندێ به‌رچاڤ وه‌ربگریت و هه‌ر زوو قوتابحانه‌یه‌كا خواندنا شه‌ڤ ل ناحیا مه ڤه‌كه‌ت .
گوت ژی : ئه‌ڤ ژمارا قوتابیان ئه‌ز ل وێ باوه‌رێ دێ زێده‌تر بیت ژبه‌ر كو گه‌له‌ك قوتابییچن دیتر ژی ناڤێن خوه تومار نه‌كرینه ژبه‌ر كو ئاگه‌هدار نه‌بوون ژئه‌ڤجا هه‌كه قوتابخانه بهێته ڤه‌كرن دێ خزمه‌ته‌كا باش گه‌هینیته قوتابیێن ل سنورێ ناحیا مه و وه‌كو هه‌می ناحیێن دیتر ژی مه ماڤ هه‌یه داخازا ڤه‌كرنا قوتابخانه‌كێ بكه‌ین .
