داخوازا قوتكرنا په‌یوه‌ندیێن ئیراقێ د گه‌ل ئیماراتێ دهێته كرن
ئه‌ڤرۆ نیوز:
ئه‌ندامه‌كێ جڤاتا نوونه‌رێن ئیراقێ داخوازێ ژ حكومه‌تا ئیراقێ دكه‌ت ڤیزا ئیراقێ بۆ ئیماراتیان راگریت و په‌یوه‌ندیێن دبلوماسی د گه‌ل وى وه‌لاتى قوت بكه‌ت.
مه‌نسوور بعێجى، ئه‌ندامێ جڤاتا نوونه‌رێن ئیراقێ، بریارا ئیماراتێ بو راگرتنا دانا ڤیزا ب وه‌لاتیێن ئیراقێ ب بنپێكرنا سه‌روه‌ریا ئیراقێ دزانیت و داخوازا هه‌مان بریار ژ ئیراقێ دكه‌ت.
بعێجى د به‌یاننامه‌كێ دا راگه‌هاند: پێدڤیه حكومه‌تا ئیراقێ بێده‌نگ نه‌بیت به‌رامبه‌ر بریارا حكومه‌تا ئیماراتى بۆ راگرتنا ڤیزانبۆ وه‌لاتیێن ئیراقى یێن دڤێن سه‌ره‌دانا ئیماراتێ بكه‌ن، پێدڤیه ئیراق ژى ب زویترین ده‌م هه‌مان بریار به‌رامبه‌رى وى وه‌لاتی بده‌ن و په‌یوه‌ندیێن دبلوماسى قوت بكه‌ت.
مه‌نسوور بعێجى، ئه‌ندامێ جڤاتا نوونه‌رێن ئیراقێ، زێده‌تر دیاركر، پێدڤیه حكومه‌تا ئیراقێ بێ به‌رسڤ نه‌بیت ل هه‌مبه‌رى ڤێ ره‌فتارا د ده‌رحه‌قێ سه‌روه‌ریا ئیراقێ دا هاتیه كرن، ده‌ركرنا بالیوزێ وى وه‌لاتى و قوتكرنا په‌یوه‌ندیێن دبلوماسی ژى بچووكترین كارڤه‌دانا حكومه‌تێ بیت به‌رامبه‌ر بریایا حكومه‌تا ئیماراتێ.
