داخوازا لۆزانێ
خورشید توفیق باكۆزی
ڕكماناتە پەنجەشێڕە ..
ناخێ دەمی وگەهێن ئاخا من
دڤەرۆژیت ..
كەڕباتە هێژ كەڕبەكا كەلەرەقە و
كەلێژانا خۆیا ئاریای
ب سەر جەندەك و
هەلەمورا رۆژەك شێلی و
بەدەنەكێ كەڕخیدا یا دادرێژیت ..
ئەڤ كەڕباهە جارپەنجەكە ..
سینگێ چیا و سینگێ زنارا دڤەچڕیت
ڕكێ ل ناڤ و ڕكێ ل ئالا و
ڕكێ ل هەبوونا من دگریت..
جار كابوسە ژسەنگا پۆلای
خۆ ب سەر بەدەنێ من دادای
یا ب داخێن (لوزانێ ) دخوڕیت
داخ (لوزانە)..
بەلێ گەلۆ داخ لوزانە..
ئەڤە ژمێژە ڤێ باوەریێ و
ڤێ ڕكمانێ و ڤێ كەرباهە
گارە و مەتین
خابیرو زێ و رووبارێ شین
خاك و خوین و دل ژڤانە..
خەونا وان یاهەری مەزن
وەلاتە وەلات
خەونا مەزن خاك و خوین و
كوردستانە..
كوردستانە..
