داخوازا پشته‌ڤانیێ بۆ رۆژئاڤا دكه‌ن

ئه‌ڤرۆ:

جڤاتا سووریا دیموكرات راگه‌هاند كو وان ل سویدێ و چه‌ندین وه‌لاتێن دی یێن ئۆرۆپا ده‌ست ب كۆمبوونێن به‌رفره‌ه ل گه‌ل پارت و رێكخستنێن سیاسی و دیموكرات یێن ئۆرۆپا كرینه‌ و د كۆمبوونێن خوه‌ دا به‌حسێ قه‌یرانا نها یا سووریێ كرینه‌ و داخواز ژ وان هێزان ژی كرینه‌ كو هاریكاریا رۆژئاڤایێ كوردستانێ بكه‌ن، چونكو گه‌له‌ك مه‌ترسی ل سه‌ر رۆژئاڤایێ كوردستانێ و كوردان ل سووریێ هه‌نه‌، كوردان د شه‌رێ ل دژی داعشێ دا گه‌له‌ك قوربانی داینه‌ و نها ژی دڤێت هه‌موو هێز و ئالیێن سیاسی و دیموكرات پشته‌ڤانیێ ل مافێن كوردان و پێكهاتێن دی یێن ل باكورێ سووریێ و رۆژئاڤایێ كوردستانێ بكه‌ن.

جڤاتا سووریا دیموكرات كو وه‌كو لقێ سیاسی یێ هێزێن سووریا دیموكرات دهێته‌ نیاسین ئه‌و یه‌ك ژی دیار كریه‌ كو دێ كۆمبوونێن وان بۆ پشته‌ڤانیا رۆژئاڤایێ كوردستانێ ل ئۆرۆپا د به‌رده‌وام بن.

کۆمێنتا تە