داخوازا ڤەکێشانا کاسێ ژ بەرشەلونە دھێتە کرن
ئەڤرۆ:
جەماوەرێ یانا ریال مەدرید داخوازکر کو سەرکەفتنا یانا بەرشەلونە د قارەمانیا کاسا شاھێ ئسپانیا دا ب دەستخوەڤە ئینای کاس ژێ بھێتە ڤەکێشان ب ئەگەرا رەفتار و گوتنێن جەماوەرێ یانێ ل دەمێ سرودا نێشتیمانی یا وی وەلاتی ھاتیە لێدان بەری دەستپێکرنا یاریا دووماھیێ د گەل ئەتلەتیکو مەدرید و جەماوەرێ ریال مەدرید وەسا دبینن ئەف چەندە شەرمزاریە بو ئسپانیا ب تایبەت کو شاھێ ئسپانیا ل دیتنا یاریێ یێ ئامادەبوو.
ئەف داخوازیا جەماوەرێ یانا ریال مەدرید ژ ئەنجامێ راوەرگرتنەکێ ھاتیە پێش ئەوا ژلایێ روژناما ئاس یا ئسپانی ھاتیە ئەنجامدان کو پشکدارێن ڤێ راوەرگرتنێ داخوازا سزایێن توندتر دکەن و ٤٣,٠٤% ژ پشکداران خواستیە سەرکەفتنا بەرشەلونە بھێتە راگرتن ئانکو کاس ژێ بھێتە ڤەکێشان و ٢٢,٨% خواستیە یانا بەرشەلونە بھێتە سزاکرن و ٣٤,١٦% خواستیە چو پێرابون و سزا ل ھەمبەر یانا بەرشەلونە نەھێنە وەرگرتن.
دھێتە زانین یانا بەرشەلونە ناسناڤێ کاسا شاھێ ئسپانیا بو جارا ٢٧ ب دەستخوەڤە بر پشتی د یاریا دووماھیێ دا سەرکەفتن ل سەر یانا ئەتلەتیکو مەدرید تومارکر ب سێ گولان بەرامبەر گولەکێ.