داخوازدھێتەکرن حەشدا شەعبی ل موسل دویر بکەڤیت
ئەڤرۆ نیوز , رەمەزان ھەرنی :
ئەندامەکێ کورد ل جڤاتا پارێزگەھا مووسل دیارکر کو پشتی مووسل ب تەمامی ھاتیە کنترول کرن ل دەست تیرورستێن داعش مە داخواز ل عەبادی کر کو پێدڤی یە حەشدا شەعبی ل سنورێ پارێزگەھا مووسل دەرکەڤیت بەرکو بوینە ئاریشە ل وێ پارێزگەھێ.
ھاشم بریفکانی جێگرێ سەروکێ لێژنەیا ئاسایش و بەرەڤانیێ ل جڤاتا پارێزگەھا مووسلێ بۆ ئەڤرۆ نیوز گۆت: ( نھا رەخێ چەپێ یێ موسل ب تەمامی یێ ئارامە و ھندەک پروژەیێن خزمەتکاریێن دەستپێکی ژی لێ ھاتینە ئەنجام دان و پلان ھاتیە دانان رەخێ راستێ یێ مووسل ژی د ھەیاما سێ مەھان دا رەوشا ئەمنی ڤەگەرێتەڤە و پروژەیێن خزمەتکارێ لێ بھێن بجھکرن)
بریفکانی گوتژی : ( ھندەک چەکدارێن داعش خوە دناڤ خانی و کولانادا ڤەشارتیە و ھێزێن ئەمنی ل دووڤ وان دگەرن کولان ب کولان ، پێدڤی یە حەشدا شەعبی موسل چولبکەت بۆ ڤێ مەبەستێ مە داخوازنامەیەک ئاراستەیێ عەبادی کریە و کو وان دوربێخێت ل موسول ژبەرکو ئەو جھێ ئەو لێ بن ئاریشە یان لێ دروست دکەن)