داخوازی ل سەر تەحینا خۆمالی زێدەبوویە
ئامێدیێ، مەحمود نهێلی
گەنج هەیە حەزدکە ت یێ دووربیت ژ وان ناسنامە و پاشگرێن جڤاک بۆ ددانیت، هندەک ژی ژ ئەگەرێ بێهیڤیبوون و تێربوون ژ جڤاکی درەڤن و بتنێ بونێ دهەلبژێریت، دەرونناسەکێ ژی گۆت (پتریا جاران ژئەگەرێ هزرکرنا نەرێنی یازێدە وهەستێن نەرێنی گەنج بتنێ بونێ دهەلبژێرن)
عەگید سەرنی، خودانێ ئاشێ تەحینا سەرنی ل دێرەلۆكێ بۆ رۆژناما ئەڤرۆ دیار كر، سال بۆ سالێ داخوازی ل سەر كرین و خوارنا تەحینا خوەمالی زێدە دبیت و گۆت: د ڤان سالێن داویێ دا بەردەوام ئەو كار دكەن بۆ بەرهەمئینانا تەحینا خوەمالی یا كونجیێن دەڤەرێ.
ناڤهاتی دیار كر، كو ئەڤە پتر ژ 150 سالایە بنەمالا وان كارێ ئاشی و بەرهەمئینانا تەحینێ دكەن و پشتی ئەنفالێن رەش و گوندێن وان هاتیە خراب كرن ئەو دەربەدەر بوون و ئاشێ وان ژی هاتە خرابكرن، وان نوكە ئاشێ خوە ل گوندی ڤەگوهاستیە دێرەلۆكێ و ئەڤ نێزیكێ هەشت سالن ئەو ل دێرەلۆكێ كار دكەن.
ناڤهاتی دیار كر، چێكرنا تەحینێ ژ گەلەك قوناغا دەرباز دبیت و پیچەكێ كارێ وێ یێ ب زەحمەتە و نوكە هژمارەكا كرێكار ل ئاشێ وان كار دكەن و گۆت: چێكرنا تەحینێ شارەزایی پێدڤێت بو وێ یەكێ تاما وێ خوەش دەربچیت و دڤێت باش بهێتە پاقژكرن و قەلاندنا وێ یا دروست بیت.
ناڤهاتی دیار كر، ئاشێن وان یێ كارەبێ چ جیاوازی نینە ل گەل یێن ئاڤێ و چێدبیت باشتر ژی بیت چونكە بەرێ ئاشی یێ ئاڤێ دڤێت یێ سڤك بیت و یێ كارەبێ یێ ب سەنگە و چەند بەر ب سەنگ تربیت تەحین لاوتر دەردچیت.
ناڤهاتی ئاشكرا ژی كر، هەكە ئەو بچنە گوندی ژی ئەو دێ هەر ئاشێ كارەبێ دانن ئەو ئاڤا ئەو ئاشی پێ دزڤرینن دێ كارەبێ پێ بەرهەم ئینن دێ باشتر بیت چونكە نوكە ئامیرەیێن هەین و كار یێ ب ساناهی تر لێ هاتی وەكوو بەرێ نینە.
ناڤهاتی دیاركر، ئەو رۆژانە دورێن 600 بو 700 كیلویێن تەحینێ بەرهەم دئینن و گۆت: ژبلی خەلكی دەڤەرێ تەحینا مە دگەهیتە گەلەك جهێن دەڤەرێ خوە حەتا ئەورپا ژی دچیت.
رێناس نەزیر ، ئێك ژ وان كەسایە یێن خوەست ل سەر تەحینێ هەی بۆ رۆژناما ئەڤرۆ گۆت: هەموو سالان ئەو دو تەنەكێن تەحینێ ژ كونجیێن خوەیێن خوە مالێ بەرهەم دئینن و گۆت: تاما تەحینا وان گەلەك یا خوەشە و ئەو گەلەك ناقەلینن بۆ وێ یەكێ تاما تەحینا وی بەرزە نەبیت.
بەیار یاسین خودانێ ئاشێ دێرەلۆك یێ تەحینێ بۆ رۆژناما ئەڤرۆ دیار كر، وان ئەڤە چار سالە ئەڤ ئاشە دانای ژ بەر هەبوونا خواستەكا زۆر ل سەر تەحینێ و گۆت: تەحینا مە یا خوەمالی و یا كونجیێن دەڤەرێ یە و ئەو كارێ كونجیێن دەرڤە ناكەن و گۆت: كونجی ل گەلەك وەلاتان دهێت مینا وەلاتێن توركمەنستانێ و ئازەربایجانێ و مسرێ و گەلەك وەلاتێن دیتر بەس ئەو ڤان كونجیان تێكەلی كونجیێن دەڤەرێ ناكەن.
دەربارێ قوناغێن دەربازبوونا كونجیان تا دبیتە تەحین ناڤهاتی دیار كر، ل دەسپێكێ ئەو دێ كونجیێ كەنە د بڕكا ئاڤێ دا تا رۆژا پاشتر و پاشان دێ كەنە جونی و قوتن پاشان دێ چیتە بركا خوێ دا و پاشان دێ هێتە زهاكرن و پاشان دێ هێتە قەلاندن و پاقژكرن و ژ نوو دێ چیتە ئاشی و هێتە هێران.
ناڤهاتی دیاركر، وان دو جۆرێن بكران هەنە ئێك خودانێ كونجیانە كو دهێت كونجیێن خوە دكەتە تەحین و یێ دووێ ژی بكرێن دەرڤە و ماركێتن.
تێ زانین نوكە چار ئاشێن تەحینێ ل سەنتەرێ ناحیا دێرەلۆكێ هەنە و بەردەوام د كاری دانە و بۆ پركرنا خواستا خەلكی ل سەر تەحینا دەڤەرێ ئەڤە زێدەبارێ وێ یەكێ ل ئامێدێ و شێلادزێ ژی هەژمارەكا ئاشێن تەحینێ هەنە و پتریا ئاشێن تەحینێ دكەڤنە دەڤەرداریا ئامێدیێ.
