داخوازی ل سەر كڕینا گولان یا زێدە بووی
سندس سالح سلێڤانەیی:
زەینەب عەشقی، كچەكا گولفرۆشە، د دیدارەكێ دا بۆ رۆژناما ئەڤرۆ دبێژیت: ئەز دەرچۆیا زانكۆیا زاخۆمە و ئەندازیارا پەترۆلێ مە، بەری نوكە من چەندین كار كرینە، لێ ژبەركو من گەلەك حەزژ گولا دكر و من دڤیا كارەكی بكەم كو یێ من ب خوە بیت ئەز رابووم من گولخانەیەك ڤەكر و نوكە گەلەك ب كارێ خوە یا ئارامم ودێ یا بەردەوام بم.
زەینەبێ گۆت: ئەڤە دو سالن من ئەڤ گولخانە ڤەكری، بەلێ ئەز دبینم كارێ من یێ باشە ز گەلەك خەلك دهێن دەستكێن گولا دكڕن، ئەو ژی نەبەس بۆ بووك و زاڤا دبەن، بەلكو بۆ رۆژبوونا و سەرەدانێن نەخۆشان و دەرچوونا قوتابیان و گەلەك هەلكەفتێن دی و بۆ چێكرنا هەر دەستكەكێ گولا دەه هەتا سیه خولەكان ئەم پێڤەدمینن هەتا حازردكەین، چنكو ل دووف داخوازیان دهێنە چێكرن و نوكە داخوازی ل سەر كڕینا گولا یا زێدەبووی، لەورا ئەم بزاڤێ دكەین گولێن خوە ل دووف ستایلێن نوو چێكەین، حەزژێكرنا من بۆ گولا ئارامی و هەستێ گولا ددەنە من هەروەسا من هانددەن كو ژ كارێ خوە بێزار نەبم
