داخوازێ ژ هەمی كرێكاران دكەین بایكۆتا كەلوپەلێن ئیرانی بكەن
دهۆك، لەزگین جوقی:
ئێكەتیا كرێكارێن كوردستانێ لقێ دهۆكێ داخوازێ ژ هەمی كرێكارێن پارێزگەها دهۆكێ دكەت بایكۆتا كەلوپەلێن ئیرانی بكەن، دیسا كرێكارێن مە دخوازن كرێكارێن ئیرانی بهێنە دەرئێخستن.
ئێكەتیا كرێكارێن كوردستانێ لقێ دهۆكێ راگەهاند، تاخا كرێكاران وەفادارترین تاخا جڤاكی یە هەردەم بەرهەڤن بۆ ئاڤەدانیا وەلاتێ خۆ هەست ب ئێش و ئازارێن مللەتێ خۆ دكەن، ژ بەر هێرشا ئیرانێ بۆ سەر هەولێرێ، ئەم داخوازێ ژ هەمی كرێكارێن پارێزگەها دهۆكێ دكەین بایكۆتا كەلوپەلێن ئیرانی بكەن.
دیسا داخوازێ ژ حكومەتا هەرێما كوردستانێ دكەین ئاگەهداریێ ب دەتە حكومەتا ئیرانێ ب هزارەها كرێكارێن ئیرانی ل جهێ كرێكارێن كوردستانێ كار دكەن، هەكە ئەڤ هێرش نەهێنە راوەستاندن هەمی كرێكارێن ئیرانی ژ هەرێما كوردستانێ بهێنە دەرئێخستن، داكو دەلیڤە بۆ كرێكارێن مە خۆشتر لێ بهێت.
