داخواز ژ وەلاتیان دهێتە كرن بەهرا خوە یا گازێ وەربگرن
ب مەرەما دووڤچوونا پرۆسێسا بەلاڤكرنا گازا سپی ئیسماعیل محەمەد، دەڤەردارێ دهۆكێ سەرەدانا جهێ بەلاڤكرنا گازا سپی ل گورەپانا مزگەفتا مەلا شوكری ل تاخێ سەرهلدان كر و ژ نێزیك ئاگەهداری رەوشا پروسێسا بەلاڤكرنا گازێ بوو.
مللەت زكری، سەرپەرشتێ بەلاڤكرنا گازا سپی ئاشكرا كر ل سەنتەرێ باژێرێ دهوكێ پتر ژ 83 هزار سەرۆكخێزانان پلێتێن گازێ وەرگرتینە و هەتا رۆژا 30/12/2023 (61) هزار خێزانان گاز وەرگرتیە.
مللەت زكری گۆت: “سەرەرایی بێهنڤەدانان، بەلێ رۆژانە ل سەنتەرێ باژێرێ دهۆكێ گاز دهێتە بەلاڤكرن و خواست خەلك بچیت بەهرا خوە یا گازێ وەربگریت”.
