داخۆیانیا وەزیرەکێ پۆلەندا دبیتە ئەگەرێ ئالۆزیێن نوو
رادۆسلاو سیکورسکی وەزیرێ دەرڤە یێ پۆلەندا د داخۆیانیەکێ دا راگەهاند، ئەو بەرهەڤ نینن ب چو رەنگەکێ سەربازان رەوانەی ئۆکرانیایێ بکەن، لێ دەمەکە هندەک وەلاتێن ئەندامێن ناتۆ سەرباز رەوانەی ئۆکرانیایێ کرینە و سەربازێن وان شەرێ رۆسیا دکەن.
ل ئالیێ دی وەزارەتا دەرڤە یا رۆسیا ژی راگەهاند، وان بەری نها ژی زانیاری هەبووینە کو هندەک وەلاتێن ئەندامێن ناتۆ ژ بلی چەکان ئەفسەر و کەسێن بسپۆر د بیاڤێ بکارئینانا چەکێ گران دا رەوانەی ئۆکرانیایێ کرینە، چونکی شەڕێ نها د راستی دا بوویە شەڕێ رۆسیا و ناتۆ و بەری نها ژی بەرپرسێن ناتۆ ئەو یەک دیار کرینە.
ئەڤ داخۆیانیا وەزیرێ دەرڤە یێ پۆلەندا بوویە جهێ دلگرانیا وەلاتێن ئەندامێن ناتۆ، لێ هەتا نها چو وەلاتەکێ سەبارەت ب ڤێ داخۆیانیێ چو نەگۆتینە و چاڤدێرێن سیاسی ژی دیار دکەن، پشتی داخۆیانیا وەزیرێ دەرڤە یێ پۆلەندا دبیت شەرێ نها ل ئۆکرانیایێ دژوارتر لێ بهێت و رۆسیا دەست ب ئێرشێن نوو بکەت.
