داخۆیانیێن وه‌زیره‌كێ رۆسی بهایێ په‌ترۆلێ بلندكر
ئه‌ڤرۆنیۆز، ئه‌یاد به‌رواری
داخۆیانیه‌كا وه‌زیرێ وزا رۆسیا بۆ ئه‌گه‌رێ بلندبوونا بهایێن په‌ترۆلێ ل بازارێن جیهانی ب رێژا 6% و بهایێ به‌رمیله‌كا په‌ترۆلی بۆ 36 دۆلاران بلند بوو.
وه‌زیرێ وزا رۆسیا (ئه‌لكسه‌نده‌ر نۆفاك) به‌رهه‌ڤیا وه‌لاتێ خوه دیاركر بۆ پشكداریێ د كۆمبوونا رێكخراوا ئۆپك یا وه‌لاتێن به‌رهه‌مهێنه‌رێن په‌ترۆلێ كو ل به‌ر ل مه‌ها شوباتا داهاتی بهێته ئه‌نجامدان.
وه‌زیرێ رۆسی دیاركر كو د وێ كۆمبوونێ دا دێ به‌حسێ هاتنا خوارا بهایێن په‌ترۆلێ هێته كرن و دانوستاندن دێ پتر ل سه‌ر پرسا كێمكرنا هه‌ر وه‌لاته‌كێ به‌رهه‌مهێنه‌رێ په‌ترۆلێ بۆ رێا 5% ژ به‌رهه‌مێ خوه یێ په‌ترۆلێ.
ئه‌ڤ داخۆیانیێن وه‌زیرێ وزا رۆسیا بوونه ئه‌گه‌رێ بلندبوونا بهایێن په‌ترۆلێ ل جیهانێ ب رێژا 6% و بهایێ به‌رمیله‌كا په‌ترۆلێ بۆ 36 دۆلاران بلند بوو.
دهێته زانین رۆسیا ل رێزا ئێكێ دهێته ل سه‌ر جیهانێ د رێژا به‌رهه‌مئینانا په‌ترۆلێ دا كو رۆژانه 10 ملیۆن و 730 هزار به‌رمیلان به‌رهه‌م دئینیت.
