دادڤانێن باژێرێ زاخۆ گازنده ژ نه‌بوونا پشته‌ڤانیێ دكه‌ن
ئه‌ڤرۆ،عه‌لی حاجی:
پشتی چار دادڤانێن یاریا ته‌پا پیێ یێن باژێرێ زاخۆ شیاین د تاقیكرنێن شیانی و پراكتیكی ب سه‌ركه‌ڤن و په‌سه‌ندا پشكداریێ بۆ ب رێڤه‌برنا یاریێن وه‌رزێ نوو یا خولا پلا دو یا ئیراقێ وه‌ربگرن لێ گازندا نه‌بوونا پشته‌ڤانیێ دكه‌ن و دخازن دووڤچوونا بابه‌تێ وان بهێته‌كرن.
د داخویانیه‌كا تایبه‌ت دا عومه‌ر عه‌بدولكه‌ریم ئێك ژ دادڤانێن سه‌ركه‌فتی و خه‌لكێ زاخۆ بۆ رۆژناما ئه‌ڤرۆ گوت: مه چار دادڤانێن یا یاریا ته‌پا پێی یێن باژێرێ زاخۆ پشكداری تاقیكرنێن پراكتیكی ل باژێرێ سلێمانیێ بووین ئه‌وێن ژ پارێزگه‌هێن دهۆك، زاخۆ، هه‌ولێر، كه‌ركووك و سلێمانیێ ل گه‌ل مه دا پشكدار، پشتی تاقیكرنێن شیانی و چه‌سته‌یی دادڤانێن زاخۆ ب سه‌ركه‌فتیانه ده‌ربازكر و ب فه‌رمی هاتینه ده‌ستنیشانكرن بۆ بڕێڤه‌برنا یاریێن وه‌رزێ نوو یێ خولا پلا دو یا ئیراقێ و سه‌ر ئاستێ تازه‌پێگه‌هشتیان و لاوان، لێ مخابن هه‌تا نوكه چو لایه‌نێن فه‌رمی ل زاخۆ پشته‌ڤانا خوه بۆ مه دیارنه‌كرینه سه‌رباری سه‌ر كیستێ خوه هاتن و چوونێ و پیدڤیێن كارێ دادڤانی دابین دكه‌ین ژبلی چه‌ند كه‌سه‌كێن رێزدار هاریكاریا مه كریه، لێ دڤێت جهێن په‌یوه‌ندیدار دووڤچوونا بابه‌تێ مه بكه‌ت ژبه‌ركو ل زاخۆ پێدڤی ب دادڤانێن ته‌پا پێی هه‌یه.
ناڤهاتی ئه‌وچه‌نده ژی نه ڤه‌شارت كو گه‌له‌ك جاران داخازا هاریكاری و پشته‌ڤانیێ ژ لایه‌نێن په‌یوه‌ندیدار كریه لێ مخابن چو كه‌س ل دووڤ داخازیا وان نه‌هاتیه و گوت: ئه‌ڤچاره مه پێنگاڤه‌كا مه‌زن هاڤێتیه و هیڤییا مه ئه‌وه نه هێنه پشتگۆه هاڤێتن و هه‌تا نوكه پێدڤی ب چه‌ند كه‌لۆپه‌لێن دادڤانا هه‌نه ژبۆ سه‌ركه‌فتنا كارێ خوه.
