دادڤانەكا ژن چوو د دیرۆكا كۆپا ئاسیا دا
دوهی ب فەرمی دادڤانا چاپانی یۆشیمی یاماشیتا وەكو ئێكەم دادڤانا ژن یاریێن كۆپا ئاسیا یا تەپا پێی قەتەر 2023ێ ل سەر ئاستێ كوڕان هاتبوو دەستنیشانكرن، پشتی بوویە دادڤانا یارییا هەردو هەلبژارتیێن ئوسترالییا و هندستان ژ چارچووڤێ گرۆپێ دویێ یا قۆناغا كۆمان برێڤە بەت.
ل دووڤ لیستەیا ژلایێ فیدراسیۆنا تەپا پێی یا ئاسیا بەلاڤكرن دگەل هەردو هاریكارێن وێ یێن چاپانی ماكۆتۆ بۆزۆنۆ و نامی تیشیرۆگی یاری برێڤەبرن ئەوێن شیابوون یارییا ڤەكرنا مۆندیالا جیهانێ یا ئافرەتان2023ێ ل ئوسترالیا و نیۆزیلەندا و دووڤدا چەندین یاریێن دی ژی ل هەمان قارەمانی بڕێڤەبرن، هەر د لیستا هاتییە بەلاڤكرن یا قەتەر 2023ێ سەرجەمێ پێنج دادڤانێن كچ پشكدارن.
بۆ زانین یۆشیمی یاماشیتا یا 36سالی ل 2015ێ باوەرنامەیا نێڤدەولەتی یا دادڤانیێ وەرگرتییە، ئێكەم دەركەفتن د مۆندیالا جیهانی یا كچان 2019ێ ل فرەنسا و ئۆلمبیادا 2020ێ بوو.
