دادگه‌هكرنا نوشیروانی و كارتێكرنا وێ لسه‌ر دۆزا كوردی!!!
ئه‌گه‌ر ئه‌م پیچه‌ك ل مێژوویا دۆزا كوردی بزڤڕین دێ بینین كو هه‌ر ژ جه‌نگێ جیهانی یێ ئێكێ و هه‌لوه‌شیانا ئیمپراتوریا ئوَسمانی و و رێكه‌فتنا سایكس – پیكو و دابه‌شكرنا میراتێ ئوسمانیا و دروست بوونا ده‌وله‌تا عێراقی ل ده‌ستپێكا سالێن بیستا و تا شه‌رێ جیهانی یێ دووێ و لدووفدا گوهوَڕینا سیسته‌مێ حكومرانیێ ل عێراقێ ژ مه‌له‌كی بوَ كوَماری برێیا كۆده‌تایه‌كێ و ده‌ست پێكرنا نه‌هامه‌تیێن عێراقێ و به‌رده‌وامبووناه‌كوَده‌تا ل عێراقێ تا هاتنا سه‌دام حسێنی بوَ سه‌ر ته‌ختێ ده‌ستهه‌ڵاتێ و هه‌وا ئه‌نفالا دژی نه‌توا كورد ده‌ست پێكر و تا سه‌رهلدانا سالا 1991 و كوَچا ملیوَنی كوردان چه‌ندین ده‌لیڤێن زێرین ژ ده‌ست داینه و نه‌گه‌هشتینه چ ئارمانجا !! ئه‌گه‌ره‌كێ گرنگ یێ ژ ده‌ستدانا ڤان ده‌لیڤا بوَ كێشێن نافخوه یێن كوردان دزڤڕیت و ئه‌و بخوه بووینه ئه‌گه‌ر نه‌گهنه چ ئارمانجا و دوژمن شیان خوه بدزنه ناڤ مالا كوردی و شیان په‌رت و لاواز بكه‌ن و چه‌ندین پارتێن كوردی دروستكرن بناڤ و دروشمێن جوَدا جوَدا به‌لێ ببه‌رنامه و ئه‌جندێن دوژمنان كار دكر و دۆزا كوردی توشی چه‌ندین قه‌یران و گرفتا كر و لاوازكر وه‌كی هلكرنا ئاگرێ براكوژیێ و شه‌ر دنافبه‌را لایه‌نێن كوردی دا تا گه‌هشتیه وی راده‌یی ئێدی ناوچه‌گه‌ری زالبوو لسه‌ر هه‌رێما كوردستانێ و جڤاكێ كوردستانێ ل سه‌ر به‌هدینی و سۆرانی دابه‌ش بوو !! بێ گۆمان یا خۆیایه‌كو چریسكا ئاگرێ براكوژیێ د ناڤبه‌را پارتی و ئێكه‌تیێ نه‌شێروانی هلكر ل ده‌ڤه‌را قه‌لعه‌دز و ڤی شه‌ری زیانه‌كا مازن گه‌هانده دۆزا كوردی، به‌لێ پشتی ئاگربه‌ست هاتیه راگه‌هاندن و دانوستاندن ده‌ست پێكرین د ناڤبه‌را وان دا تا سالا 2003 و كه‌تنا رژێما به‌عس، پارتی و ئێكه‌تیێ ئیتیفاقه‌كا ئیستراتیجی ئیمزاكرن و دۆزا كوردی بهێز زڤرانده د مه‌یدانا سیاسی دا !! به‌لێ دیسا دوژمن شیان ناف مالا كوردی تێكبده‌ن و لاواز كه‌ن و لسالا 2009 بزاڤا گوَڕان ب سه‌روَكاتیا نه‌شیروانی خوه راگه‌هاندن و ژ ئێكه‌تیێ جوَدابوو و ژ وی ده‌می و تانوكه ئه‌ڤ بزاڤه ب به‌رنامه و پلان كه‌ته كاری دژی حكومه‌تێ و ب تایبه‌ت پارتی و مالا بارزان و هه‌ر ماوه‌كی قه‌یرانه‌ك دروست كر، بگره ژ خوه‌پیشاندانێن سلێمانیێ لدوماهیا سالا 2010 و بلندكرنا دروشمێن خراب دژی حكومه‌تێ و دروستكرنا راپوَرتێن دره‌و و تێكده‌ر تا هه‌لبژارتنێن سالا 2013 و به‌شداریا گوَڕان د حكومه‌تێ و سه‌روكاتیا په‌رله‌مانی دا !! پشتی حكومه‌تا بنكه فراوان هاتیه راگه‌هاندن د كاودانه‌كێ زوَرێ سه‌خت دا بگه‌ره ژ قه‌یرانا دارایی و ئالوزیێن سیاسی و قه‌یرانێن د ناڤبه‌را به‌غدا و هه‌رێمێ و په‌یدابونا داعش و شه‌رێ وان دگه‌ل كوردان ئه‌ڤێ بزاڤێ زوَر پوَستێن گرنگ وه‌رگرتن وه‌كی وه‌زیرێ پێشمه‌رگه و دارایی و وه‌به‌رهێنان و بازرگانی و پیشه‌سازی ئه‌ڤه زێده‌باری سه‌روَكاتیا په‌رله‌مانی به‌لێ مخابن تا وی ده‌می خه‌لكه‌كێ زوَر هوسا هزردكر كو ئه‌ڤ بزاڤه دێ بیته ئه‌گه‌ر پروَسێسا سیاسی و چاكسازی سه‌رراست بیت تا رویدانێن هه‌یڤا 10 ل قه‌لعه‌دزێ و دیاربووی كو به‌رنامه و پیلانێن ڤێ بزاڤێ چنه و بوَ چ كاردكه‌ت !! ئه‌و بوو چه‌ندین به‌لگه دیاربوون كو بزاڤا گوَڕان و سه‌ركردێن وێ و راسته‌وخوَ یێ خه‌لكی هانده‌ن و ب به‌رنامه باره‌گا دسوَژن و لدووفدا به‌رنامێ وان یێ تێكده‌ر برێیا كه‌نالێن وان یێن راگه‌هاندنێ ئاشكرابوون و پاشی توَمارێن ده‌نگی یێن نه‌وشێروانی به‌لاڤبوون كا چه‌وا به‌رنامه دارێتیه بوَ تێكدانا هه‌رێما كوردستانێ و ڤێ بزاڤێ لده‌سپێكێ نه‌شیا راستیا ڤان توَمارا ره‌ت بكه‌ت به‌لكو به‌لاڤبوونا وان بكاره‌كێ سیخوَڕی لقه‌لمدا ! و پشتی بچه‌ندین رێیا و ناوبژیوانا د نافبه‌را لایه‌نێن كوردی هاتن و چوون كری دیاربو كو بزاڤا گوَڕان چ به‌رنامه نینن و لبه‌ر نینه د ڤان كاودانێن هه‌ستیاردا ده‌ست ژ ڤان كارێن تێكده‌ر به‌رده‌ت و چ حازری نینه دووباره دانیشتن بهێنه كرن بوَ چاره‌سه‌ركرنا كێشێن نافخوه و نه هێلێن ئه‌ف ده‌لیڤا زێرین ژ ده‌ست دۆزا كوری بچیت به‌لێ خویابوو كو بتنێ دروَشم و كارێ ڤێ بزاڤێ دژایتكرنا پارتی و مالا بارزانه!! له‌ورا نوكه دبینین كو پارتی یارژده داوایه‌كێ دژی نه‌وشێروانی و بزاڤا گوَراِن بلندكه‌ت ل دادگه‌هێ و بوَ ڤێ چه‌ندێ باده‌كا تمام لسه‌ر تومارێن ده‌نگی و كارێن تێكده‌رێن ڤێ بزاڤێ و راگه‌هاندنا وان یاتێكده‌ر ب تایبه‌ت د ڤان كاودان ادا یاحازركری بوَ دادگه‌هێ و مه‌ره‌م ژی ئه‌وه ئه‌ف بزاڤه برێیا دادگه‌هێ بریاره‌ك ده‌رحه‌ق بێته وه‌رگرتن چنكو ئه‌ڤا رویدایی دچیته خانا خیانه‌تكرنا مه‌زن دژی ملله‌تی و دژی به‌رژه‌وه‌ندیێن بلند یێن كوردستانێ و ده‌ستووریا حزبی ژێ بهێته وه‌رگرتن و نه‌هێلێن چ كار و چالاكیا ئه‌نجامبده‌ن و دووباره نه‌بنه ئه‌گه‌رێ تێكدانێ و دروستكرنا قه‌یرانا لهه‌رێمێ و نه‌بنه ئه‌گه‌رێ ژ ده‌ستدانا ڤێ ده‌لیڤا زێرین بوَ كوردان كو سه‌ربه‌خوه‌ییه یان ببنه ئه‌گه‌رێ دابه‌شبوونا كوردستانێ ل سه‌ر دووئیدار !! سه‌ركردایه‌تیا كوردی و تایبه‌ت پارتی سه‌ربوَرێن مه‌زن ژ مێژوویا دۆزا كوردی وه‌رگرتینه و ب چ ره‌نگا ناهێلن جاره‌كادی ئه‌ڤ ده‌لیڤه ژ ده‌ست كوردان بچیت و جاره‌كادی كورد نه گه‌هنه ئارمانجا خوه، چنكو ئه‌ڤا ل روَژهه‌لاتا ناڤین رودوه‌ت و ئه‌ڤ كاودانێن ده‌ڤه‌ر تێدا دبووریت، زوَرا بزه‌حمه‌تا جاره‌كادی دووباره ببنه ڤه وبڤی ره‌نگی وه‌لاتێن وه‌كو عێراقێ و سووریێ و تا راده‌كێ مه‌زن ئیران و توركی ژی لاواز ببن به‌رامبه‌ر دۆزا كوری و باشترین ده‌لیڤه‌یه بوَ كوردان كو مفایی بدروستی ژێ وه‌رگرن چنكو زوَربه‌یی وه‌لاتێن جیهانێ پشته‌ڤانیه‌كا مه‌زن لكوردستانێ و پێشمه‌رگه‌یی دكه‌ن له‌ورا دبینین كو هه‌موو كار و بزاڤا یێن دهێنه كرن؛ كو ئه‌ڤ ده‌لیڤه ژ ده‌ست مه نه‌چیت و رێ لهمبه‌ر وان لایه‌ن و پیلانا بگرن یێن كو دبنه رێگر و ئاسته‌نگ به‌رامبه‌ر سه‌ربه‌خوَیا كوردستانێ. به‌درخان عه‌بدولكه‌ریم زاویته‌یی
