دادگەها ئەنقەرە دێ دۆسێیا دەمیرتاشی ئێکلا کەت
یلماز تونچ وەزیرێ داد یێ تورکیا د داخویانیەکێ دا بۆ دەزگەهێن راگەهاندنێ دیار کر، پشتی بریارا ڤێ دووماهیێ یا دادگەها ئۆرۆپا ل دۆر دەمیرتاشی نها ل تورکیا قووناغەکا نوو دەستپێکریە، دادگەها هەرێمی یا ئەنقەرە بەری نها ل دۆر دۆسیا کۆبانێ دەمیرتاش سزا دابوو، نها جارەکا دی دادگەه دێ پێداچوونێ د بریارا خوە دا کەت و دبیت د چەند رۆژێن بهێت دا دادگەها هەرێمی یا ئەنقەرە بریارا دووماهیێ ل دۆر دۆسیا دەمیرتاشی بدەت و هەر بریارەک دادگەه بدەت دێ پێگیریێ پێ کەین.
ئەو یەک د دەمەکێ دایە کو چەند رۆژان بەری نها دەولەت باخچەلێ سەرۆکێ پارتا بزاڤا نەتەوەپەرست یا تورکیا دیار کربوو ئازادکرنا دەمیرتاشی د بەرژەوەندیا هەموو تورکیا دایە و سەرۆک کۆمارێ تورکیا رەجەب تەیب ئەردۆغان ژی دیار کربوو ل تورکیا سیستەمێ دادوەریێ سەربخوەیە و هەر بریارەک ژ ئالیێ دادگەهێ ڤە بهێتە دان دێ هێتە بجهئینان.
