دادێ

دادێ

39

سامی سەلیم

چەند لاواز و بێ چارەمە
بەرامبەر تە!
قەهرەمانا شۆرشا ژیانێ
هەر رۆژەكا ژییێ تە
مێژۆیەكە ژ قۆربانیدانێ.
چەند مەزنی!
چەند پیرۆزی!
ناڤێ تە
چ فەرهەنگ هەلناگرن
هەمی پەیڤ خۆ بو د چەمینن.
پێناسەیا هەدارێ
هەڤدژا ماندیبوونێ
تو خەونەكا بجهاتی یا
بەری بوونێ.
هەمبێزا تە
جیهانەكا جیوازە
ترس، خەم، سڕ..
لێ نا ژین،
پەناگەهەكا ئاراە
گڕنژینا ت
نەخشێ هیڤییانە
شوینپیێن تە
قیبلا ماچانە
دەریا پارچەكەن ژ دلێ تە
تژی هەست و ڤیانە
چاڤێن تە
شڤانێن رێكا منن
لڤینێن من دخوینن
نهێنیا دبینن
شاها گۆلا
دێمێ تە
رۆناهی و شەوق ژێ دپەشیت
هێڤێنێ ژیانێ
ب تنێ ل سەر دەستێن تە د مەییت