دادێ
ژینێ رێكانی
نەورۆز بێی تە
نە جەژنە
خەملا بهارێ
بێی تە
پاییزەكا ب نیهار و ژانە
سەیران بێی تە
شینیەكا بێ یەمانە
وەلات بێی تە
چولستانە
ئەز تێدا كەڤۆكەكا
هێلین لێ شەواتكری و
رێك و كۆلان لێ دبەرزەنە
هەر تشت ب من نامۆ بوونە
دادێ دادێ
بیرا تە دكەم
بیرا همبێزا تە یا گەرم
دادێ دادێ
خەریبیا تە
هەر رۆژ من دكەتە سێوی و
بۆ سوبەهیێن بێ تە
تەشیا فەرهادی د رێسم
پەپۆكەكم
بێ خان و مان و كلێسم
دادێ دادێ..
