داربەستا هیڤییان
سالح حەکیم
چەند دیرببی
چەند بکەڤی
چەند ناوسک
ل قۆلاچکێن خوە
شەمالکا ڤەمرینن
هەمی نشیڤی
هەمی زڤرۆکێن بایی
هەمی رەشە تەحلی و
دەهبە یێن هار
لهەمبەری چوونا تە
شۆڕ بببنە خوار
چەند داویا خوە قێری و هەوارا بکەن
داربەستا هیڤییان بەرەڤ
مەملەکەتێ مرنا خوە ببەن
لێ قەد نکارن تە ژ هەمبێزا
من غەوارە بکەن
دێ هەر ژ کانیکا بیابانا هشکاتییا
خوە زێیی و ئۆمێدا ڤەژینی
ژ وێ هاتنا
چوجار نەهەلاتی
دێ ژ ئەنیا ڕۆژێ پەشی
ڤیانا تە بەشەکە ژ نێڕینا من یا پێناسەکری
ئەڤجار بەسە ب کویڤیکرنا هەستان
دناڤ پاخل و قەفەسان
سینگێ تژی خەون و خۆزییان
ل مەزارگەهێ ئومێدا خوە نەچینە.
