دارستانا زاڕۆكان ل ناڤەندا خانی هاتە ئیمزاكرن
شاكر ئەتروشی:
ناڤەنـــــــــــدا خانی یا رەوشــــــــــەنبیری و راگەهاندنێ، ب هەڤكاری دگەل گۆڤارا سڤۆرە یا زارۆیان، دوهی ئێڤاری د چالاكیەكا تایبەت دا پرتووكا (دارستانا زاڕۆكان) یا نڤیسەر(رۆندك مزووری) كو ژ دەه چیرۆكان پێك دهێت ل هولا ناڤەندێ ل ئاڤاهیێ تەلەفزیۆنا دهۆك دا نیاسین و ب ئیمزا خودانا پرتووكێ ب دیاری ل سەر بەرهەڤبوویان هاتە بەلاڤكرن. ل دەستپێكێ نڤیسەر (رۆندك مزووری) پرتووكا خوە دا نیاسین و چەندەكێ ل سەر قۆناغێن نڤیسینا وان چیرۆكان ئاخفت و گۆت: نوكە پتر ژ هەر دەمەكی ل سەر مە هەموویان مە پێدڤی گرنگیێ ب ئەدەبێ زارۆكان بدەین، ب تایبەت هەلبەست و چیرۆكان، چنكو زارۆكیێن مە پێدڤیا بڤێ چەندێ هەی، ب تایبەت ژی زارۆكێن كوردان ئەوێن ژدەرڤەی وەلاتی دژین.
پرتووكا (دارستانا زارۆكان) ژ دەه چیرۆك و (112) بەرپەران پێك دهێت، ئەڤە پرتووكا وێ یا سێێ یە، ب شێوەیەكێ باش و دیزاینەكا جوان ل چاپخانەیا هاوار ل دهۆكێ هاتیە چاپكرن و ل بەرە سوبەهی رۆژا چارشەمب هەمان پرتووك ل سێمێلێ ژی بهێتە ئیمزاكرن و بەلاڤكرن.
