دارڤان جەوزەل: یاریزان دكەڤیتە ل بن گڤاشتنا سێ ئاستەنگان و دڤێت بهێنفرەهبن
هەرهین محەمەد:
د دیدارەكێ دا دارڤان جەوزەل یاریزانێ یانەیا دهۆك بۆ ئەڤرۆ گۆت: گەلەك وەرزشڤانێن دێرین ل دهۆكێ من نیاسین و گەلەك هەڤالێن وەرزشڤان ل خوە زێدەكرن و فێری سەبر و هەدارێ بووم ب رێیا وەرزشێ پتر كەسایەتییا من هاتە ئاڤاكرن.
دارڤانی زێدەتر گۆت: دو جورێن یاریزانان هەنە جورێ ئێكێ دێ خوە ل یانەكێ پێشئێخیتیە و دەرفەت بۆ چێبوویە، لدەمێ بهێت خزمەتا یانەیا دهۆك بكەت دەرفەت بۆ دروست نەبوویە و هەتا رادەكی دشێت گازندان بكەت جورێ دویێ یانەیێ پێشئێخستیە و بەرنیاس كریە و دەرفەت دایێ دبینم ئەڤی یاریزانی ماف نینە گازندان بكەت، چونكو دهندەك یاریان دا مافێ یاریزانێن یانەیێ دهێتە خارن ئەو ژی ژبەركو راهێنەر د كەڤیتە دبن هندەك گڤاشتنان چ یێن جەماوەری یان هندەك كەسانێن دی بن، هەروەسان جهێن پەیوەندیدار ژی جوداهیێ دكەن دناڤبەرا یانەیا دهۆك و یانەیێن دی ژبەركو ناڤێ دهۆك مەزنترە ژ یانەیێن دی و دڤێت یێن دی ژی نەهێنە ژبیركرن، ژبەركو ئەوژی هاریكارن بۆ دهۆكێ بەرهەڤكرنا یاریزانان.
هەروەسان ناڤهاتی گۆت: سێ ئاریشەیێن سەرەكی هەنە دكەڤنە درێیا یاریزانان دا ئێك ئاریشێن دارایی یە و ژلایێ حكومەتێ ڤە پشتەڤانیا یانێ ناهێتە كرن و مافێن مە دروست بدەن، دو دەمێ یاریزانە ك ل یانەكێ ئاستی پێشكێش بكەت دكەڤیتە بن فشارێن جەماوەری، یا سێیێ گوهۆڕینا گەلەك راهێنەران د دەمێ كورت دا هەر راهێنەرەك پشتگێریا هندەك یاریزانان دكەت و هزردكەت دێ ئاستەكێ باش پێشكێشكەت.
