دارڤان خالد: دێ بۆ مانا خوە د خولێ دا جەنگین
شاهۆ فەرید:
د داخویانیەكێ دا راهێنەرێ تیما تەپاپێی یێ یانەیا تەناهی دارڤان خالد بۆ رۆژناما ئەڤرۆ دیاركر: ژبەر هەبوونا قەیرانا دارایی یا یانە تێدا دبوریت، پێنچ یاریزانیێن مە ڤەگوهاستنێن زڤستانێ رێزێن تیمێ ب جهێلاینە، هەروەسان ژبەر نەبوونا پارەیی نەشیایین چو یاریزانێن دی ل سەر تیمێ زێدەكەین، ئاریشەیا مە مەزنتر لێهات و هەر ل گەل دەسپێكرنا خولێ سێ یاریزانێن مە تووشی هنگاڤتنێن مەترسی بوون و هەتا دووماهیكا خولێ پشكدار نابن.
زێدەتر گۆت: ئەڤە ماوێ پتری 100 رۆژایە نە دەستەكا راهێنەران و نە یاریزانان مووچێ خوە وەرنەگرتیە، سەرەرایی هەمی رێگری و گڤاشتنا بەردەوامین و بزاڤێ دكەین تیما مە بمینتە د خۆلا پلا ئێك یا كوردستانێ دا، ئەو چار یاریێن ماین ژ خولێ بۆمە گەلەك دگرنگن بۆ پاراستنا مانا خوە، دو ژ دەرڤەیی یاریگەها مەنە، وەكۆ دەستەیا راهێنەران و یاریزان ژی مل ب ملێ ئێك مە سوزدایە ناهێلین دابەزینە پلا دو، دەنگۆیێ هەبوونا سپۆنسەرەكێ هەیە بۆ یاریێن مایی خوەل تیمێ بكەتە خودان و مورالا یاریزانان بلند كەت بۆ یاریێن مایی.
بۆ زانین پشتی بۆرینا 11 گەڕا تیما تەناهی 10 خال كمكرینە و رێزا 11ێ دهێت ژ سێ سەركەفتن و وەكهەڤیەكێ، ئەوا تیما رزگاری ب28 خالان سەرێ لیستێ دهێت، پیشەسازی ب27خالان، كۆیە 25 خال و سێمێل ب22 خالان رێزێن دویێ هەتا چارێ دهێت، دو یانەیێن ئێكێ و دویێ ئێكسەر دەربازبنە پلا نایاب و تیما سێیێ دێ د پاشگۆیێ دا بەرانبەر تیما خودانا رێزا 14ێ یا پلا نایاب بیت.
