داریان ل سه‌ر شازده وه‌لاتێن عه‌ره‌بی بۆ یێ ئێكێ
دهۆك، هه‌رهین محه‌مه‌د:
میدیاكارێ گه‌نج داریان سه‌عید، د به‌ریكانه‌كا پێشكێشكاریێ دا ل فۆكس ئه‌كادیمی و ل سه‌ر شازده وه‌لاتێن عه‌ره‌بی یێ ئێكێ ده‌ركه‌فتیه.
ناڤهاتی دیداره‌كێ دا بۆ رۆژناما ئه‌ڤرۆ گۆت: فۆكس ئه‌كادیمی ل جیهانێ هه‌موویێ یا ناڤداره كو ئه‌ندامه دناتۆیێ دا و گه‌له‌ك سه‌رۆكێن وه‌لاتان ل وێرێ راهێنان كرینه و ئه‌كادمیه‌كا گه‌له‌ك پێشكه‌فتیه و پتریا ستێرێن كه‌نالێ ئێم بی سی و عه‌ره‌بیه و جه‌زیره و سكای نیۆز هه‌موو ده‌رچووێن وێرێ نه و هزرا پشكداری كرنێ و ئه‌و ئاستێ ئه‌س چوویمێ یا پێشه‌كارا بوو به‌ری نوكه ژی دڤێت مرۆڤی ئاسته‌ك كربیت و ل سالا 2014 ژی هه‌ر دفۆكس ئه‌كادیمی دا من پشكداری كربوو ل ئاستێ ده‌ستپێكی و من باوه‌ری بخوه هه‌بوو كو كو دێ شێم تشته‌كی كه‌م، چونكو حه‌زژ كارێ خوه دكه‌م و بۆ ده‌نگدانێ ژی من رێژه‌كا باش ب ده‌ستخوه ڤه ئینایه و گه‌له‌ك كه‌سێن عه‌ره‌ب ده‌نگێ خوه دایه من و دیسان ب پشته‌ڤانیا خه‌لكێ مه ژی كو ده‌نگ ب من داینه
داریانی گۆت: پشتی ژ فۆكس ئه‌كادیمی ب دووماهی هاتیم پرۆژه‌ك من هه‌یه ئه‌و ژی پرۆگرامێ هاشتاك 23 یه و من دڤیایه ل كه‌نالێ خوه یێ یوتۆبی پوست كه‌م و من باوه‌ر نه‌دكر دێ هنده ده‌نگ ڤه‌ده‌ت بۆ من دیاربوو كو ئه‌ڤه ده‌رئه‌نجامێ وێ زه‌حمه‌تێ یه یا من بری و ئه‌ڤرۆ هاشتاك 23 گه‌له‌ك ده‌نگ ڤه دا نه بتنێ ل دهۆكێ، به‌لكۆ ل هه‌ولێرێ و سلێمانیێ پرۆگرام سه‌ر هاتینه چێكرن و دیسان ل وه‌لاتێ دوبه‌ی ژی به‌حسێ پرۆگرامی َمن دهاته‌كرن و بۆ من گه‌له‌ك یا نه‌خۆشه ئه‌ز و گه‌له‌كێن دی وه‌كو من دبیت شیانێن وان ل به‌ر چاڤ نه‌هێنه وه‌رگرتن و ئه‌ڤرۆ هنده‌ك وه‌لاتێن دی كو ئه‌م دانین دوژمنێن مه‌نه پتر ئارازویا مه دیاردكه‌ن و خه‌مێ ژمه دخۆن و ئه‌ڤ چه‌نده بۆ من یانه خۆشه و من حه‌زدكر باژێرێ مه ئه‌ڤ چه‌نده كربا پاشی وه‌لاتێن عه‌ره‌بی.
