داستانا كانی ماسێ
سه‌ربه‌ست بۆتی
ده‌مێ پێشمه‌رگه ل دیلانێ
ژبۆ خوشیا ڤێ داستانێ
بۆ شه‌ری هاتنه مه‌یدانێ
دلسۆزێن وه‌لاتێ خوه‌بوون
ل داستانا كانی ماسێ
دوژمن د ناڤدا مابوو ئاسێ
ده‌نگێ ئاربیچیا و قه‌ناسێ
زه‌نگا سه‌ركه‌فتنێن هه‌وه بوون
شه‌هیدێن ڤێ داستانێ
جان فیدایێن كوردستانێ
ته‌نا بنڤن ل گۆڕستانێ
ملله‌ت ئه‌ڤیندارێن هه‌وه بوون
ب خوینا هه‌وه هات سه‌ركه‌فتن
ل دوژمنا چه‌په‌ر هه‌رفتن
كوشتن گرتن و ده‌ركه‌فتن
شكه‌ستن و شه‌پرزه بوون
داستانه‌ك مه‌زن تۆمار كر
وه‌لاتێ مه سه‌رفه‌راز كر
گیانێ شه‌هیدا شاد كر
شۆره‌شڤان و پێشمه‌رگه‌بوون
بۆ ئاشتی و ئازادیێ
بۆ ڤیانا كوردینیێ
بۆ ژناڤچوونا بێدادیێ
بۆ مرنێ ئاماده بوون
وه‌كی شێرا دكر به‌رخودان
رۆژێن سه‌خت و رۆژێن گران
ل دوژمنی دكر مژ و دومان
قه‌هره‌مانێتن وارێ مه‌بوون
