داعش ئه‌فسه‌ره‌ك و پۆلیسه‌كێ عێراقی كوشتن
ئه‌ڤرۆ نیۆز، قائید میرۆ
ل سه‌نته‌رێ باژێڕێ مووسل، تیرۆرستێن داعش ئه‌فسه‌ره‌كێ سوپایێ عێراقێ و پۆلیسه‌كێ رێڤه‌به‌رایه‌تیا پۆلیسێن نه‌ینه‌وا گولله بارانكرن.
غه‌یاس سورچی، په‌یڤدارێ مه‌لبه‌ندێ نه‌ینه‌وا یێ ئێكه‌تی نیشتیمانی كوردستان ب ئه‌ڤرۆ نیۆز راگه‌هاند” ئه‌ڤرۆ تیرۆرستێن داعش ئه‌فسه‌ره‌كێ سوپایێ عێراقێ و پۆلیسه‌ك ل سه‌نته‌رێ باژێڕێ مووسل گولله بارانكرن، ئه‌فسه‌رێ هاتیه كوشتن پلا رائید هه‌بوویه دناڤا سوپایێ عێراقێ و ناڤێ وی عه‌بدولقادر ئه‌حمه‌د جبوریه و به‌ری هاتنا داعش بۆ مووسل ئه‌فسه‌رێ لیوا 12 یا سوپایێ عێراقێ بوو.
سورچی گۆتژی” ئه‌ف پۆلیسێ هاتیه كوشتن دگه‌ل ئه‌ڤی ئه‌فسه‌ری پۆلیسێ رێڤه‌به‌رایه‌تیا پۆلیسێن نه‌ینه‌وایه و ناڤێ وی سالح جبوری خه‌لكێ ناحیا حه‌مام عه‌لیه نێزیك مووسل، ئه‌ڤه د ده‌مه‌كیدایه هه‌ردوكا به‌ری نوكه توبه‌كربوو لسه‌ر ده‌ستێ داعش و خوه راده‌ستی گروپا تیرۆرستیا داعش كربوو.
