داعش روژنامه‌ڤانه‌ك ل مووسل سێداره دا
ئه‌ڤرو نیوز ،بارزان مزوورى:
ژێده‌ره‌كى ژ ناڤا چه‌كدارێن رێكخراوا ئازاد ل مووسل راگه‌هاند كو ئه‌ڤرۆ ئێڤارى رۆژنامه‌ڤانه‌كێ پارێزگه‌هێ ل به‌رچاڤێن خه‌لكى هاته سێداره‌دان كو به‌رى 20 رۆژان ژ لايێ داعش ڤه هاتبوو ره‌ڤاندن.
ژێده‌ره‌كى ژ چه‌كدارێن رێكخراوا ئازاد ل ناڤ باژێرێ مووسل بۆ ئه‌ڤرۆ نیوز ئاشكرا كر كو ئه‌ڤرۆ ئیڤارى 18ى گۆلانا 2015ێ چه‌كدارێن تیرورستێن داعش رۆژنامه‌ڤان فیراس یاسین یێ به‌رنیاس ب فیراس به‌حر كو ل كه‌نالێ “نينوى الغد” كار دكر ب ره‌نگه‌كێ درندانه قوتا و د دووڤ دا ل تاخێ قادسیه ره‌خێ چه‌پێ يێ باژێرێ مووسل ل پێش چاڤێن خه‌لكى سێداره‌دا.
وى ژێده‌رى ئاشكرا كر كو ماوێ 20 رۆژان بوو، ئه‌ڤ رۆژنامه‌ڤانه ژ لایێ داعش ڤه ل به‌ر ده‌رگه‌هێ مالا وى هاتبوو ده‌سته‌سه‌ركرن.
ئه‌ڤى ژێده‌رێ ژ ناڤا چه‌كدارێن ئازاد ئاماژه ب وێ چه‌ندێ ژى كريه كو ئه‌ڤ رۆژنامه‌ڤانه د ماوێ ده‌سته‌سه‌ركرنێ دا گه‌له‌ك هاتيه ئه‌شكه‌نجه دان و بۆ جهه‌كێ نه‌ديار هاتبوو ڤه‌گوهاستن.
