داكو ببمە پێشمەرگە من كلاشینكۆفەكا چیكی ڕكێب ب گوژمێ هزار دیناران كـڕی
رەمەزان دەشتمری/ زاخۆ
3- 3
ناڤهاتی هەر وەسا گوت: رێكخراوا مە یا خەبات بۆ جەولێ هات دەڤەرێ و بریار هات دان ژبۆ لێدانا رەبیا ڕەشێ شەهید ل تەنشتا گوندێ بوسەلێ بین. پشتی كومبون هاتی بەستن و ل شەڤا بەری هینگێ بەرچاڤكرنا ئەڤێ رەبیێ هات كرن و رێكا هیرشبرنێ و هات دەستنیشانكرن. ئەوبی ل شەڤا 5/5/1984ی هەژمارا شازدە پێشمەرگەیان ب سەرپەرشتیا شەهید سەعید سوفی ئوسمان پساغایی جێگرێ رێكخراوا خەبات هاتن ڕاستپاردن بۆ لێدانا ئەڤێ ڕەبیێ. ل ڤێرێ هەشت پێشمەرگە دگەل شەهید سەعید سوفی ئوسمان بۆ هێرشبرنێ و هەشت پێشمەرگەیێن دیتر وەك بەرەڤانیكرن ل تەنشتا ئەڤێ رەبیێ مان. دگەل دەمژمێرا دەستنیشانكرێ تەفە ب گولەیێن ئاربیجیان ل ڕەبیێ هات كرن و مە ب نارنجوكا هیرشی رەبیێ كر. و ئەم پێشڤەچوون و هەتا ئەم گەهشتین بەر تەنشتا دیوارێ ئەڤێ رەبیێ شەهید سەعید ل بەراهیكا مە خۆە هاڤێت د خەوشا رەبیێ دا و من هەڤالێ خۆە سەدیق جەرجیس خۆە هاڤێت سەر دیوارێ رەبیێ و ل دەمەكێ نارنجوكەك ژ ناڤ رەبیێ یا ئەسكەری د مەوەركرن. هەر دجهدا جێگرێ رێكخراوا خەبات سەعید سوفی ئوسمان هات شەهیدكرن و كەلەخێ وی كەفت دناڤ حەوشا رەبیێ دا و ئەز و سەدیق جەرجیس برینداربین و بۆ لایێ دەرڤەیی رەبیی كەتین و ئەسكەر ب نارنجوكا و ب رەمیا كلاشینكوفا تەقە ل مەكرن. هەر دجهدا سەعید سوفی ئوسمان هات شەهیدكرن و ئەز سەدیق جەرجیس ب ساجەمیێن نارنجوكان هاتن برینداركرن و كەتن بەر دیوارێ رەبیێ و ئەسكەری تەقەیەكا زور ل مەكر. ئەم بۆ ماوێ دوو دەمژمێران ب برینداری ل بەر دیوارێ رەبیێ ماین و هەڤالێن مەژی نەشیان بگەهنە دەفمە و یان بشێن هێرشێ رەبیێ بكن. و هەر وەسا نەشیان جەنازێ شەهید سەعید سوفی ئوسمان ژ ناڤ رەبیێ بینن دەرێ و كەلەخێ وی خلاسبكن. ب هەر حالێ هەیی ئەز سەدیق پاشدا زەڤرین هەتا بۆ ژ بەر دیوارێ رەبیێ هاتن خوار و دویر كەتین. ئەوبی هەڤالێن مە ئەز سەدیق ب برینداری هەلگرتین بۆ بنێ گوندێ بوسەلێ جهەكێ دبێژنێ گەلوكێ شیخا كو جهێ هەشاردانا پێشمەرگەیی بی ئینان و ئەم ب بەر ئەوان كەڤران هەتا ئیڤاری بێ نان خوارن و بێ دەرمانكرنا برینێن لەشێ مە هەمی وەرمتن و گەلەك بێچارەبین و هێز دلەشێ مەدا نەمان. ئەوژی ژ ئەگەرێ گەلەك خوین ژناڤ لاشێ مەچووبی و هەر وەسا خەما هەڤالێ مە شەهید سەعید سوفی ئوسمان گەلەك بی و جەنازێ ئەوی دا دناڤ دەستێن ئەسكەرێ حكومەتا ئیراقێ دا مابوو. پێشمەرگە سالم ئیسماعیل بەردەوامی دا ئاخفتێن خۆە و گوت: ئەم هەتا ئێڤاری ب شەڤ ل ئەوی جهی ماین و پاشی هەڤالێن مە یێن پێشمەرگە بۆ گوندێ داسیكێ چوون و دوو دەوارێن هێستر ئینان و ئەم لێ سیاركرن و ب شەڤێ ل جادا گشتی ئەوا دنافبەرا باژێرێ زاخۆ و قەزا باتیفا دا دەربازبین و بۆ سەر سیلاڤێ هاتین و ل دەمژمێر دوی شەڤێ بۆ گوندێ پیرەكا گەهشتین و ئەز ل مالا پسمامێ خۆە موسا یونسی مام هەتا چارەسەریا برینێن لەشێ من ژ لایێ دختور سەربەست محەمەد نوشدارێ شۆڕەشێ ڤە هاتی كرن، و بۆ ماموێ هەژدە رۆژان برینێن لەشێ من ساخ بین و پاشی ئەم هاتن دگەل رێكخراوا خۆە یا خەبات مە بەردەوامی دا خزمەتا پێشمەرگایەتیێ و هەتا نوكە چوار ساچمەیێن ئەوان نارنجوكان دلەشێ مندا ماینە شیانێن دارایێ من نەبیت كو سەرەدانا نوشدارێن تایبەتمەند بكم كو نەشتەرگەیێ بۆ لاشێ من بكن و ئەڤان پارچەیێن ساچمەیان ژناڤ لاشێ من بینن دەرێ.
دیسان سالم ئیسماعیل گوت: ل هەیڤا تەباخا سالا 1984ی رێكخراوا مە یا خەبات بۆ دەڤەرا گەلیێ پساغا هات ژبۆ مەرەما جەولێ و پشتی كومبون دناڤبەرا چەند رێكخراوێن لەشكری یێن سەر ب لیژنا ناوچا زاخۆ هاتی بەستن كو چالاكیەكا هەڤشك ئەنجام بدن و هەر ئێك رێكخراوێن پشكدار ( رێكخراوا رێنجبەران، رێكخراوا گوڤەند، رێكخراوا خەبات) كو بارەگایێ سریا گرێ گرهرچینكێ ل هنداڤی دەشتەتەخێ ل دەڤەرا سەناتێ هات بەرچاڤكرن، ل شەڤا 31/5/1985ی و ل دەمژمێر دوازدەیی شەڤێ پێشمەرگە هێرشی ئەڤی بارەگایێ سریا هرچینكێ كر. ل دەمێ دەمژمێرا دەستنیشانكری پێشمەرگەیی ب گولەیێن ئاربیجیان و ب چەكێ سڤك هێرشی ل بارەگایێ سریێ هاتكرن. پێشمەرگە گەهشت دناف ئاڤاهیێ سریێ دابین و ل ئەوی دەمی دوو عەسكەر دناف بارەگایی دا مابین ساخ و ب نارنجوكان تەقە ل پێشمەرگەیی كرن. بەلێ دئەگەرێ دا هەژمارا یازدە پێشمەرگەیان برینداربین. ئەو پێشمەرگەیێن ب برینداری كەتین ئەڤە بین( عەلی قادو بەرپرسێ رێكخراوەا رێنجەبەران، مغاویر شیلانێ جێگرێ رێكخروا گوڤەند، سمایل سێڤو جێگرێ رێكخراوا رێنجبەران، محەمەد سالح حاجی پێشمەرگیێ رێكخراوا خەبات، رەشید تەتەر پێشمەرگەیێ رێكخراوا رێنجبەران، عەبدوللا یاسین پێشكەرگەیێ رێكخراوا رێنجبەران) بەلێ ب مخابنیڤە ناڤێن هەڤالێن دیتر یێن پێشمەرگەیێن بریندار ل بیرا من نەماینە، ل ئەوی دەمی بریارا خوەڤەكێشانێ هات دان و مە بریندار هەلگرتن و ل ئەوی دەمی ئەز ب هێز بیم و من رابی پێشمەرگەیێ بریندار مغاویر شیلانێ دا پشتا خۆە و هەتا ئەم ژ جهێ بارەگایێ سریێ دویر كەتین و پاشی بۆ دەڤەرا گەلیێ پساغا ڤە هاتین و ب راستی ئەم ل ئەوێ شەڤێ گەلەك پەریشان بین و ژ بێ خەوی و هەلگرتنا برینداران و ل دەمێ خوە ڤەكێشانێ ئەوان رەبیێن ئەسكەری هەمیان پێكڤە رەمی و تەقە ل مە دكرن. و ل دەمێ رۆژهەلاتنێ ل جهەكێ دبێژنێ ئاڤا گویزێ مە خوە لێ هشاردا و ل دەمژمێر حەفتێ سپێدێ چوار فروكەیێن ژ جورێ هەلیكەپتەر بۆ سەر دەڤەرێ هاتن و ل هنداڤی مە نەچوون و مەژی خۆە ل ناڤ گیایێ هەلزێ دا هەشاردا هەتا دونیا بێ ئیڤار و پاشی مە بریندار هەلگرتن بۆ گوندێ كەلوكێ هاتن و ل وێرێ چارەسەریا بریندارێن پێشمەرگەیی ژلایێ نوشدارێن شۆڕەشی ڤە هاتن كرن.
ل رۆژا 12/10/1986ی هێزەكا مەزن ژ ئەسكەرێ حكومەتا ئیراقێ و ب هەڤكاری دگەل فەوجێن جاشان هێرشی سەر دەڤەرێ كرن و شەرێ هەری مەزن كەفتە دناڤبەرا گوندێ دوبانكێ و پشتی ئەم هەڤریشی شەرەكی گران دگەل ئەسكەری بین و شەرێ هەرە مەزن كەفتە دناڤ گورستانا گوندێ تەمەرئاڤا و لایەكێ حكومەتا ئیراقێ توپێن دویرهاڤێژ د مەوەردكرن و ژ لایەكی دیترڤە فروكەیێن هەلیكوپتەر ب ساروخان رەمی ل مەدكرن و هەر وەسا هێزا ئەسكەری و جاشا و دگەل مودڕەعا ل بەرسینگی هێرشی مە دكرن. ل دەمژمێر چواری ئێڤاری هەڤالەكێ مە یێ پێشمەرگە ب ناڤێ عەلی محەمەد یێ ناسیار ب عەلیێ سێلوانێ گولەیەكا ئیكەیسێ ل تەنشتا وی كەفت برینداربی و ئەڤ گولەیا هەنی ل نیڤا زكێ وی چوودەرێ و و دەمێ كەفتی عەردی و گازی من كر و گوت: سالم من قورتال بكە. هەر دجهدا من هەڤالێ خۆە عەلی دا پشتا خوا و بۆ دوماهیا شەرێ ئینات و هەتا ئەم گەهشتین بەر لێڤا رویبارێ ڕوگەرمی و ژبەر دژواریا برینا لاشێ غەلی و خوین ژبرینا وی نە ڕاوەستا و عەلی یێ ل پشتا من و هەر یێ گازی دگت سالم من دەینە خوار و من بهێلن و هەڕن خوە قورتال بكن و شەر ل سەرمە گەلەك دژواربی و ئەڤێ هەڤالێ من عەلی دەڤێ خوە هاڤێتە ستویێ من گرت و دا بەر لەقا ئەز دگڤاشتم و هەر ژبەر دژواریا برینا لاشێ خۆە. بەلێ هنەر ئەز چووم و من نەشیا ئەوی ل ناڤا شەڕی ب هێلم. بەلێ ب مخابنبڤە ل پشتا من ئەوی گیانێ خوە ژ دەستدا و هات شەهید كرن. ب راستی خەما ئەوی بۆمن گەلەكا مەزن بە هەمی دەمان ئەڤ دیمەنێ شەهید عەلی یێ ل پێش چاڤێن من و هوسا ل پشتا من ب برینداری شەهیدبی و جهێ لەقدانا ئەوی ئەوا ل ستویێ من دایی جهێ وێ بی برین و خوین ژێ هات و هوسا هەڤالێ مە عەلی محەمەد هات شەهیدكرن.
هەر وەسا پێشمەرگە حەجی سالم گوت: ئەم بەردەوام بووین ل سەر خزمەتا پێشمەرگایەتیێ هەتا سەرهلدانا برهارا سالا 1991ی و دگەل هێزا خابیر مە بەردەوامی دا خزمەتا پێشمەرگایەتیێ ئەوبی هەتا سالا 2010ی و ل دویف بڕیارا وەزارەتا پێشمەرگەیی ب پلەیا (عریف) هاتم خانەنشینكرن. بەلێ ب مخابنیڤە هەتا نە وەك بریندارێ سەنگەر یێ پەكەوتوو هاتم وەرگرتن و نەژی ژ پارچە زەڤیان مفادار بوویمە. لەوما ب رێكا روژنا ما ئەڤرو یا قەشەنگ داخوازێ ژ جهێن شولەژی دكم وەك بریندارێ پێكەوتوو بێم وەرگتن و هەر وەسا ژ پارچە زەڤیێ ژی مكفادار بم هەتا كو ئەف خزمەت و خەبات و ماندیبون و دەردەسەری و دوو جاران بریندار ب فیڕو و هەر و هەروە نەچت و زاروكێن منژی ب ئەڤێ ژیانێ و ب ئەڤێ خزمەت و خەباتێ دلخوەش ببن و ل ژیر سبەرا ئالایێ كوردستانێ ب سەربەستی و ب سەرفرازی بژیت و زور سوپاس بۆ ئەڤێ دیدارا ل روژناما ئەڤرو دگەل من هاتی كرن و هەر دكارێ خوەدا سەركەفتی بن.
