داكو ل رەمەزانێ برسی نەبی
ئەڤرۆ
بەرپەرێ ساخلەمیێ:
برساتیێ ب تنێ پەیوەندی نینە ب وێ رێژا خوارنا تو دخۆی، بەلكو پەیوەندیدارە ب جۆراتیا وێ خوارنا دهێتە خوارن. چونكو خوارنێن ب مفا هێزەكا زێدەتر ددەنە لەشی و هەستێ برسییاتیێ كێمدكەن.
ماڵپەڕێ “الجزیرە” د بابەتەكیدا ئاماژە ب چەند رێنماییەكان كریە بۆ كێمكرنا هەستا برساتیێ ل دەمێ رۆژێگرتنێ دا، بۆ وان كەسێن كو برسی دبن، ئەوژی:
ئێك: فتارە با هەڤسەنگ بیت، ئانكو ژ كاربۆهیدرات، رووشال، پرۆتین، چەوریێن ب مفا.
دو: بێ پاشیڤ ب رۆژی نەبە.
سێ: پرۆتین و رووشالێن هێزێ ددەنە لەشی دەمێن زێدەتر دڤێن بۆ هەرسبوونێ، لەورا ئەوان بخۆ، وەك فاسۆلیا، نیسك، ماسی، مریشك و چەرەزات.
چار: پشتی رۆژی شكاندنێ هەتا پاشیڤێ رێژا پێدڤی یا ئاڤێ ڤەخۆ و پشتگوهـ نەئێخە.
پێنج: ژبیر نەكە كو كێمخەوی دبیتە ئەگەرێ زێدبوونا حەزا خوارنێ، لەورا ل دووف پێدڤیێ بنڤە.
