داكو ژ جه‌لتا دلی دوور بكه‌ڤی پێدڤیه چبكه‌ی؟
ئه‌ڤرۆ، به‌رپه‌رێ ساخله‌میێ:
كۆمبڤه‌بوونا چه‌وریان ل خوێنبه‌ران ئه‌گه‌رێ سه‌ره‌كی یێ، جه‌لته‌یا دلی یه و ل ڤی سه‌رده‌می كوژه‌كترین ئه‌گه‌رێ مرنێ یه و رۆژانه خه‌لكه‌كێ زۆر ب جه‌لته‌یا دلی دمرن .
بۆ هندێ ل جه‌لته‌یا دلی یێ دووربی پێدڤیه ئاگه‌هداری وان خوارنان بی ئه‌وێن دخۆی، بۆ رێگریكرنێ ل كومڤه‌بوونا چه‌وریان د خوێنبه‌ران دا و كێمكڕنا چه‌وریێن زیانبه‌خش ڤان خوارنان بخۆ:
- ماسی: ماسی باشترین خوارنه و پێدڤیه هه‌یڤانه ب كێماتی دوجاران بخۆی، ترشیێ چه‌وریێ ئۆمێگا 3ی تێدایه كو رێژه‌یا چه‌وریێن باش زێده‌دكه‌ت و چه‌وریێن خراب كێم دكه‌ت، ب ڤێ چه‌ندێ رێكێ ل جه‌لته‌یا دلی دگریت.
- فێقیێن ترش: نیمۆك و پرته‌قال و سندی، ڤه‌كولینان ده‌رخستیه خوارنا وان رێكێ ل گیرهه‌بوونا خوێنبه‌ران دگریت.
- گویز: گویز ئێكه ژ وان خوارنێن مفایه‌كێ باش بۆ دلی هه‌ی، چونكو ترشیێ چه‌وریێ ئۆمێگا 3″ی تێدایه كو هاریكاریا پاقژكرنا خوێنبه‌ران دكه‌ت.
- كه‌تان: كه‌تان ده‌وڵه‌مه‌نده ب ترشیێ چه‌وریێ ئومێگا3 و رووشالا و كالسیۆمی، هاریكاره بۆ پاقژكرنا خوێنبه‌ران و پاراستنا كه‌سان ل جه‌لته‌یا دلی، به‌لێ پێدڤیه گه‌له‌ك نه‌خۆی.
- كركم: كركم به‌هارته‌كا گه‌له‌ك ب مفایه بۆ دلی و پێدڤیه ل دانێن خوارنێ ب كاربینی.
- چایا كه‌سك: ڤه‌كۆله‌ران ل ژاپۆن دیاركریه رۆژانه ڤه‌خوارنا چایا كه‌سك رێكێ ل تووشبوونێ ب جه‌لتا دلی و مه‌ژی دگریت و مه‌ترسیا مرنێ ب رێژا 16% كێمدكه‌ت.
- دارچین: دژه‌ئۆكسید تێدایه و كۆنترۆلا رێژا شه‌كرێ و چه‌وریان د خوینێ دا دكه‌ت، ب ڤێ چه‌ندێ رێكێ ل نه‌خۆشیێن دلی و جه‌لتا دلی دگریت.
- هنار: هنار ئێكه ل فێقیێن پێدڤی كو رۆژانه بخۆی، رێكێ ل نه‌خۆشیێن دلی دگریت و ل مه‌ترسیا جه‌لتا دلی ته دپارێزیت.
