دانانا ئالایێ كوردستانێ ل بالیۆزخانا ئهمریكا و چهند سهرنجهك
د دهمێن ژێك جودا دا هندهك پێنگاڤێن پراكتیكی دهێنه هاڤێتن، دیسان هندهك نامه ههلگرێن پر ڕامان وخودان باگرهوهندا دوورهێل، ژلایێ وهلاتێن ئێكگرتیێن ئهمریكا ڤه بۆ كوردان دهێنه هنارتن.
د سهرهدانا شاندێ حوكمهتا ههرێما كوردستانێ دا بۆ بهغدا و كومبوونا شاندێ حوكمهتا ههرێما كوردستانێ دگهل “جون كێری وهزیرێ دهرڤهیێ ئهمریكا” ل بالیوَزخانا ئهمریكا ل بهغدا و دانانا ئالایێ كوردستانێ ب رهخ ئالایێ وهلاتێن ئێكگرتیێن ئهمریكا و عێراقێ ڤه چهند ڕامانهكێن ڤهشارتی دههلگریت.
ژ لایهكیڤه ڕامانا گرنگیدانا حوكمهتا ئهمریكایه ب كوردستانێ ودانانا ئالایێ كوردستانێ ژی خوه ب خوه دان پێدانه ب دهولهتا پاشهرۆژا كوردستانێ.
یا ژههمیێ گرنگتر رونشتنا شاندێ حوكمهتێ بوو ل بن ئالایێ ئهمریكا و رونشتنا “جون كێری” ل بن ئالایێ كوردستانێ ئهو ب خوه ڕامانهك گهلهك مهزن ددهت، چنكو ل دووڤ ئهتهكێتێن شاندێن دوبلوماسی دڤێت ههر شاندهك ل بن ئالایێ خوه یان ژی ب رهخ ئالایێ خوه ڤه روونیت خوارێ, بهلێ ئهو جه گوهۆڕینا مه دكهنالێن راگههاندنێدا دیتین، ب راستی خوهشیهك ودل تهنایهك بهخشیه ههموو كوردستانێ, چنكو روونشتنا “جون كێری” ب رهخ ئالایێ كوردستانێ ڤه، رامان ئهوه ئهڤه مهزنترین وهلاتێ جیهانێ ئهمریكایه وئهز نوینهرایهتیا وێ دكهم و ل ژێر ئالایێ كوردستانێ رونشتمه خوارێ و ئهم پشتهڤانیێ ل ههوه دكهین و هوون ههڤالێن ستراتیژییێن مهنه و پێنگاڤ پێنگاڤ دێ دگهل ههوه بین ههتا ههوه دگههینینه كهنارێ ئارام و ئالایێ كوردستانێ ل نهتهویێن ئێكگرتی بلند بیت و ببنه وهلاتهكێ سهربخوه.
دبیت خهلكهك ههبیت بیر و بوَچوون وخواندنهكا بهرۆڤاژی خواندنا من ههبیت،ل ێ یا گرنگ ئهوه وهلاتێ ئهمریكا وهكو پشكدارێ ئێكانه و راستهقینه بهرێ خوه ددهته كودران و كوردستانێ و سهرهدهریێ دگهل دكهت، ئهڤه ژی خوَیا بوویه نه بتنێ ژ پشتهڤانیا ئهمریكا بۆ كوردستانا باشوور, بهلكو ههمان پشتهڤانی بۆ كوردستانا رۆژئاڤا ژی كریه.
لهوما دڤێت ئهم وهكو كوردێن باشوور خوه ئاماده بكهین، و هندهك گوَڕانكاریێن بنهڕهتی د سیستهم وچاكسازیان دا بكهین ول دووڤ راسپاردێن سهرۆك بارزانی یێن چاك سازیێ بچین و پشتهڤانیێ لێ بكهین, چنكو ئهگهر گهل پشتهڤانیێ لێ بكهت, ئهز باوهر دكهم نه سهركرده و نهسیاسهتمهدار و نه چ پارت ولایهن نهشێن رێگریێ ل چاك سازیێ بكهن.
ئهو نامه ڕامان ههلگرێن دوورهێل و ڤهشارتی یێن وهلاتێن بیانی و ئوروپا و ب تایبهتی ئهمریكا هێدی هێدی یێ ئاشكرا دبن و هندهك ئاماژه ژێ دهردكهڤن ول هندهك جاران ژی گلوَپا كهسك بۆ كوردان دهێته ههلكرن،ڕاسته ل دهمێ مرۆڤ ب سهرڤه سهرڤه بهرێ خوه ددهته سیاسهتا ئهمریكا مرۆڤ وهسان هزر دكهت ئهمریكا گڤاشتنا ل سهر كوردان دكهت داكو ب زۆر بمیننه دگهل عێراقا ههرفتی یان هندهك وهسان هزر دكهن ل ههر جارهكا عێراق گههشته سهر لێڤا گوَڕی ئهمریكا كوردان نهچار كرینه هندهك پێنگاڤێن ڤهگرتنێ بهاڤێژیت و عێراقێ ژ كهفتن و بن گوركرنێ قوَرتال ب كهت، بهلێ دڤێت بزانین كو وهلاتێن ئیكگرتیێن ئهمریكا بهرژهوهند و ستراتیژیهتا خوه ههیه ل دهڤهرا رۆژههلاتا ناڤێن, چنكو نهیارێن وێ بتنێ نه ئیسلامیێن توندره و یان ئیرانه, نهخێر گهلهك نهیار ههنه ههر بگره ژ ئێكهتیا سوڤیهتی وئیران و تركیا و كوبا و كوریا باكوور و چهند وهلاتهكێن عهرهبان. . هتد. لهورا ئهگهر ئهمریكا ل دووڤ وێ ستراتیژیهتێ نهچیت نه شێت بهرگیریێ ل رۆژههلاتا ناڤین ژخوه بكهت وخوه بپارێزیت و بهرگێریا بهرژهوهندیێن خوه و ههڤالێن خوه یێن ستراتیژی بكهت, ئهگهر وهنهكهت ههموو لاینگر وب هرژهوهندیێن ئهمریكا دێ كهڤینه د مهترسیا ژناڤچوونێ دا.
بێگومان كورد نوكه ئێك ژ وان لاینگرێن ب هێزێن ئهمریكایه ل رۆژههلاتا ناڤین،ل هورا ئهز باوهر دكهم ئهمریكا گلوَپا كهسك بۆ كوردان ههلكریه و پشتهڤانیهكا بهێز دێ ل كوردان كهت داكو بشیێن دهولهتا خۆه راگههینین، جارهكا دی دبێژم دانانا ئالایێ كوردستانێ و جهگوهۆڕینا روونشتنا شاندێ ئهمریكا و جون كێری نیشان و ئاماژا هندێ یه كو هوون یێن بهرڤ دهولهتبوونێ دچن و دێ رێزێ ل بریار و(ئیرادا)خهلكێ كوردستانێ گرین، كو ئهم ههموو دزانین مه راپرسی ل پێشه و ئهگهر پشتهڤانیا ئهمریكا وهلاتێن دیتر نهبیت بێگومان ئهم نهشیێن راپرسیێ ژی ئهنجام بدهین.
ههر چهنده هندهك لایهن و كهسایهتیێن سیاسی ل كوردستانێ تا نوكه ب راشكاوانه پشتهڤانی ل راپرسیێ نهكریه، یان ئهگهر كربیت ژی ژبنڤه بنڤه پیلانا نه ئهنجامدانا وێ دادرێژن, ل ڤێره پرسیار ئهوه وان چ مهرهم پێ ههیه، ئایا ئهو دبنهرهتدا ژبۆ دژیهتیكرنا كورد و كوردستانێ هاتینه دورستكرن، ئایا ئهوان كوردستان فرۆتیه، ئایا ئهو خوه ب كوردستانی و كورد نا هژمێرن و نزانن.. هتد؟؟؟ چهند پرسیاهكن هندهكان بهرسڤ وڕامان ههنه و هندهكان هێژ نینن، چنكو یا سهیره ههمو وهلاتیێن كوردستانێ بڤێت یان نهك وهلاتیێن كوردستانێ بتنێ بهلكو خهلكهك ههبیت بێژیت ئهم پشتهڤانیێ ل ههوه دكهین و ببنه دهولهت, و ئهم بێژین هێژ زوویه ئهم ژههژی دهولهتبوونێ نینن یان هێژ دهم نههاتیه ئهم ببینه دهولهت؟ دبهرێدا مه دگوت ئهگهر دوو وهلاتێن جیهانێ پشتهڤانیا مه بكهن دێ بینه دهولهت، ئهڤروَكه پێشمهرگه ژ پێش دونیایێ ههموویێ ڤه شهرێ تیروَرێ دكهت و پرانیا وهلاتێن جیهانێ پشتهڤان و هاریكارن بۆ مه و گهلهك وهلاتان كونسوَلخانه و نوێنهرایهتی ل ههرێما كوردستانێ ههنه و هێژ ئهم دبێژین هێژتا زوویه و دهمێ دهولهتبوونا مه نههاتیه, ئایا دێ گهنگی دهم هێت ل دهمێ ئاغایێن وان ههموو عێراقێ دگرن و كوردستان ئێخسته دمهترسیێ دا! ژ نوو دێ بێژن: دهم هاتبوو بهلێ بارزانی یان حوكمهتا ههرێما كوردستانێ دهولهت رانهگههاند ودێ ئهزمانێ خۆه درێژكهن و وێ تاوانێ ئێخنه ستوَیێ سهروَك بارزانی و حوكمهتا ههرێما كوردستانێ وهكو گهلهك تاوانێن دیتر ئێخستینه ستوَیێ وان.
