دانوستاندنێن ئیرانێ و ئەمریکا بووینە جهێ دلگرانیا رۆسیایێ
عەلیرزا نوری زادە بسپۆرێ کاروبارێن سیاسی دیار دکەت، دانوستاندنێن نها د ناڤبەرا ئیرانێ و رۆسیا دا بووینە جهێ دلگرانیا رۆسیا، چونکی رۆسیا وەسا دبینیت هەکە ئیران و ئەمریکا نێزیکی هەڤدو ببن وی دەمی چو پێویستیا ئیرانێ ب رۆسیا نامینیت و ئەو یەک دشێت ببیتە ئەگەرێ لاوازبوونا پێگەهێ رۆسیا ل رۆژهەلاتا ناڤین و جیهانێ و دێ کاریگەریا خوە ل سەر شەڕێ ئۆکرانیایێ ژی هەبیت.
ناڤهاتی دیار ژی دکەت، نها رەوشا ئابووری یا ئیرانێ گەلەک خرابە و بەرپرسێن ئیرانێ وەسا دبینن هەکە ل گەل ئەمریکا نەگەهنە رێککەفتنەکێ دێ رەوشا ناڤخوەیی یا ئیرانێ گەلەک خراب بیت و دبیت جارەکا دی خوەنیشادان ل دژی دەستهەلاتێ دەستپێ بکەن، ژ بەر ڤێ یەکێ ژی بەرپرسێن ئیران نەچارن پڕانیا داخوازیێن ئەمریکا قەبوول بکەن و ئەو یەک ژی بێگومان ب دلێ رۆسیا نینە و رۆسیا دڤێت رێککەفتنا ئیرانێ و ئەمریکا نەبیتە مەترسی بۆ سەر بەرژەوەندیێن وێ.
