دانوستاندن ل دۆر ئالنگاریێن نوکە ل هەمبەر زمانێ کوردی هاتە کرن
دوهی ٢٨/٧/٢٠٢٥ و ب ئامادەبوونا د. سالار عوسمان، بەرپرسێ پشکا ڕەوشەنبیری و راگەهاندنا پارتی سیهوئیکەمین ئەلقەیا بازنەیێ دانوستاندنێ ب ناڤونیشانێ «ئالنگاریێن نوکە ل هەمبەر زمانێ کوردی» ل هۆلا پشکا ڕەوشەنبیری و ڕاگەهاندنێ برێڤەچوو.
د ڤێ دانوستاندنێ دا (د. سالار عوسمان، د. عەبدولسەلام نەجمەدین، بورهان ئەرگوشی، دلێر محەمەد، د. ئەرخەوان عوبێد، ئەمین حاجی زەلمی، کارزان عەبدولهادی، کازم مەغدید، تارق کاریزی، و هەر ئێک ژ موئەیەد تەیب و نەوزاد هروری – ب سکایب، هەروەسا ئەندامێن بازنێ دەنوستاندنێ «شڤان حەمدی، پ. د. نەزاکەت حسێن، د. جەلال ئەحمەد، فەرهاد محەمەد» بەرهەڤبوون.
ئامادەبوویان د دانوستاندنێ دا ب تێر و تەسەلی دانوستاندن ل سەر وان ئالنگاریان کر، یێن نوکە رووبرووی ز مانێ کوردی دبن، جەخت ژی ل سەر وێ چەندێ کر کو دڤێت حکومەتا هەرێما کوردستانێ بەرنامە و پلانەکا ستراتیژی بۆ پاراستنا زمانێ کوردی و وەکو زمانێ سەرەکی یێ هەرێما کوردستانێ ب داڕێژیت.
