داهاتێ پەرتووكا خۆ دێ پێشكێشی رۆژئاڤایێ كوردستانێ كەت
دلۆڤان هالۆ:
نڤیسەرێ گەنج (سالار محەمەد فەتاح) كو خەلكێ ئیدارەیا سەربەخۆیا زاخۆیە، د دیدارەكێ دا بۆ رۆژنامەیا ئەڤرۆ دیاركر كو لڤێ دووماهیێ وی رۆمانەك ب ناڤێ (ئەسپە دەستە، گەشتەك بۆ ناڤ رۆپەلێن دیرۆكێ) چاپكریە و هەموو داهاتێ وێ دێ پێشكێشی خەلكێ رۆژئاڤایێ كوردستانێ كەت و هیڤیا وی ئەوە وەك دیارییەكا بچووك ژێ وەربگرن.
ناڤهاتی گۆت: ئەڤا ئەز دكەم نە منتەكە ل برایێن خۆ یێن رۆژئاڤایێ كوردستانێ دكەم، بەلكو ئەركەكە هەر چەندە هەكە یێ بچووك ژی بیت، بەس ل دەف من رامانەكا مەزن ددەت، چنكو ئەز نڤیسەر و شیانێن من د سنۆردار كرینە و هیڤیا من ژ هەر تاكەكێ كورد ئەوە ئەم هەموو ل دووف شیانێن خۆ دهاوارا برایێن خۆ یێن رۆژئاڤایێ كوردستانێ بچین و دەستێ هاریكاریێ بۆ درێژ بكەین چنكو برینا مە هەموویان ئێكە.
